पुणे : पतीसमवेत रस्त्याने पायी जाणा-या ज्येष्ठ महिलेचे मंगळसूत्र हिसकावून नेणा-या चोरट्यास बिबवेवाडी पोलिसांनी अटक केली.
विशाल अनिल भांडे (वय १९, रा. नीलकमल सोसायटी, बिबवेवाडी) असे या चोरट्याचे नाव आहे.
याप्रकरणी एका ७७ वर्षांच्या महिलेने फिर्याद दिली आहे. ही महिला पतीसमवेत २८ मार्च रोजी दुपारी साडेबाराच्या सुमारास मुलीला भेटायला महेश सोसायटीजवळून पायी जात होत्या. यावेळी दुचाकीवरून आलेल्या चोरट्यांनी त्यांच्या गळ्यातील ८७ लाख रुपयांचे मंगळसूत्र हिसकावून नेले होते.
पोलीस उपनिरीक्षक राजेश उसगावकर, कर्मचारी अमोल शितोळे, राहुल कोठावळे यांनी या परिसरातील ३५ ते ४० सीसीटीव्ही कॅमे-याचे फुटेज तपासले. त्यावेळी ही चोरी विशाल भांडे याने केल्याचे निष्पन्न झाले. त्याला ताब्यात घेऊन चौकशी केल्यावर त्याने गुन्हा कबूल केला. त्याच्याकडून २५ ग्रॅम वजनाचे दागिने जप्त केले आहेत.