लोकमत न्यूज नेटवर्क
पुणे : “अखिल भारतीय विद्यार्थी परिषदेचे काम करत असल्यापासून ‘पतित पावन’च्या कार्याशी परिचित आहे. कोथरूड हा ‘पतित पावन’चा बालेकिल्ला असून संघटनेच्या कार्यास सर्वतोपरी मदत करेन,” असे आश्वासन भाजपचे प्रदेशाध्यक्ष चंद्रकांत पाटील यांनी दिले.
भाजप प्रदेशाध्यक्ष चंद्रकांत पाटील यांनी शुक्रवारी (दि.१२) पतीत पावन संघटनेच्या जुन्या कार्यकर्त्यांच्या भेटीगाठी घेतल्या.
संघटनेचे उपाध्यक्ष जालिंदर टेमगिरे यांच्या घरी पाटील गेले असता त्यांनी कार्यकर्त्यांशी संवाद साधला. भाजपचे प्रवक्ते संदीप खर्डेकर, ‘पतित पावन’चे शहराध्यक्ष श्रीकांत शिळमकर, पालक मनोज नायर, कार्याध्यक्ष गोकुळ शेलार, विभाग प्रमुख राजू मोहोळ, कोथरूड मतदारसंघ अध्यक्ष सुनील मराठे, खडकवासला मतदारसंघ अध्यक्ष नीलेश घारे, शरद देशमुख, अण्णा बांगर आदी यावेळी उपस्थित होते. “पतित पावनने मला घडवले असून मी संघटनेचे ऋण कधीच विसरू शकत नाही. जसा एखाद्या स्त्रीला माहेरी गेल्यावर आनंद होतो तसा मला आज होतो आहे,” असे संदीप खर्डेकर म्हणाले.