पुणे : सनी इलेव्हन टी-२० क्रिकेट स्पर्धेत पुणे क्रिकेट अकादमी आणि स्पायडर स्पोर्ट्स संघांनी प्रतिस्पर्ध्यांवर मात केली.
पहिल्या लढतीत पुणे क्रिकेट अकादमीने सनराईज क्रिकेट स्कूलवर नऊ गडी राखून विजय मिळवला. प्रथम फलंदाजी करताना सनराईजचा डाव १७.५ षटकांत ९५ धावांवर संपुष्टात आला. पुणे अकादमीने ९ षटकांत एक बाद ९६ धावा करत विजय मिळवला. सनराईजकडून सुमित गंगवाणी (२७) आणि सुजल मोरे (२४) यांनी झुंज दिली. पुणे अकादमीकडून सागर कांबळेने चार, प्रसाद धमालेने तीन गडी बाद केले. पुणे अकादमीकडून हृषिकेश मोटकरने ३६ चेंडूंत १० चौकार आणि चार षटकारांसह नाबाद ७३ धावा केल्या आणि संघाचा विजय साकारला. हृषिकेश मोटकर सामनावीर ठरला.
दुसºया सामन्यात सॉफ्टहार्ड संघाचा डाव १७ षटकांत ८१ धावांवर संपुष्टात आला. स्पायडर स्पोटर््सने ८.१ षटकांत चार बाद ८५ धावा करत विजय मिळवला. सॉफ्टहार्डकडून अमित कदमने सर्वाधिक २५ धावा केल्या. स्पायडरकडून समीर सिंगने तीन, अश्विन शुक्ला आणि आनंद शहाने प्रत्येकी दोन गडी बाद केले. स्पायडरकडून आनंद शहाने ४३ धावा करत संघाला विजय मिळवून दिला. आनंद शहा सामनावीर ठरला.
फोटो - आनंद शहा, हृषिकेश मोटकर
-----------------