पिकअप जीप-मोटार अपघातात २ महिला जखमी

पुणे-नाशिक महामार्गावर आळेफाटा परिसरात शुक्रवारी (दि. २३) सकाळी साडेसातच्या वेळेला मालवाहू पिकअप जीपने मोटारीला

आळेफाटा : पुणे-नाशिक महामार्गावर आळेफाटा परिसरात शुक्रवारी (दि. २३) सकाळी साडेसातच्या वेळेला मालवाहू पिकअप जीपने मोटारीला धडक दिल्याने झालेल्या अपघातात दोन महिला जखमी झाल्याची घटना घडली. आळेफाटा पोलिसांनी दिलेल्या माहितीनुसार : पुणे बाजूने नाशिकला जाणाऱ्या मोटारीला (एमएच १४ बीआर ६९२४) आळेफाटा परिसरातील खापरेवस्ती येथे नाशिक बाजूने पुणेकडे जाणाऱ्या पिक-अप जीपने वाहतूक नियमांचे उल्लंघन करीत धडक दिली. या अपघातात मोटारीमधील प्रमिला महाजन (वय ५५) व वैशाली दीपक महाजन (वय ३०, दोघीही रा. वाकड) या जखमी झाल्या. ग्रामस्थांनी जखमींना उपचारासाठी आळेफाटा येथील दवाखान्यात दाखल केले. या प्रकरणी गुन्हा दाखल झाला आहे.