वेल्हे तालुक्यातील अंत्रोली येथील राजकीय वैमनस्यातून दोन्ही काँग्रेसचे अध्यक्ष एकमेकाविरुद्ध भिडले. राष्ट्रवादी काँग्रेसचे माजी युवक अध्यक्ष व जिल्हा सरचिटणीस किरण राऊत व वेल्हे तालुका काँग्रेसचे अध्यक्ष नाना राऊत यांच्या गटांमध्ये हाणामारी झाली. दोन्ही अध्यक्षांच्या विरोधात वेल्हे पोलीस स्टेशनमध्ये एकमेकाविरुद्ध तक्रार दिलेली आहे, अशी माहिती पोलिसांनी दिली.
याबाबत अधिक माहिती देताना वेल्हे पोलिसांनी सांगितले की, अंत्रोली येथील सरपंच नवनाथ शंकर राऊत हे दुपारी एकटेच अत्रोली गावातील राजु बबन ठाकर यांचे घराकडून जखननी माता मंदिराकडे जात असताना बेकायदेशीर जमाव जमवून विद्यमान सरपंच नवनाथ शंकर राऊत यांना लाकडी बांबुने व दांडक्याने मारहाण केली. त्यावेळी त्यांना त्यांचे चुलत भाऊ दिलीप महादु राऊत व विशाल चंद्रकांत राऊत हे सोडविण्यासाठी गेले असता त्यांना देखील मारहाण करून गंभीर दुखापत केली. नवनाथ शंकर राउत यांनी दिलेली फिर्याद वेल्हा पोलीस स्टेशन येथील गुन्हा दाखल केले आहे.
तसेच संजय मोतीराम राऊत व त्याचे वडील मोतीराम राउत यांना मारहाण करुन त्यांचे घरासमोर मॅक्स गाडी फोडुन नुकसान केलेबाबत वेल्हा पोलीस स्टेशन येथे गुन्हा दाखल झाला आहे.
गुन्ह्यांचा तपास उपविभागीय पोलीस अधिकारी डॉ. सई भोरे पाटील, हवेली विभाग सहा. पोलीस निरीक्षक मनोज पवार वेल्हा पोलीस स्टेशन याचे व मार्गदर्शनाखाली करीत आहेत.