लोकमत न्यूज नेटवर्क
पुणे : कर्मा ९ टी-२० कॉर्पोरेट क्रिकेट स्पर्धेत साखळी फेरीत ट्रोजन्स, पुणे हरिकेन्स या संघांनी आपापल्या प्रतिस्पर्धी संघांचा पराभव करून आगेकूच केली.
लिजेंड्स क्रिकेट मैदान येथे दर शनिवारी, रविवारी खेळल्या जाणाऱ्या या स्पर्धेत पहिल्या सामन्यात प्रसाद गिरकर (१९ धावा व २-१९) याने केलेल्या अष्टपैलू कामगिरीच्या जोरावर ट्रोजन्स संघाने चॅम्पियन्स इलेव्हन संघाचा ३५ धावांनी पराभव केला.
दुसऱ्या सामन्यात पवन आनंद (३-१५ व २१ धावा) याने केलेल्या अष्टपैलू खेळीच्या जोरावर पुणे हरिकेन्स संघाने मेडीकोज संघाचा १३ धावांनी पराभव करत विजयी सलामी दिली.
स्पर्धेचा सविस्तर निकाल : साखळी फेरी :
गट अ : ट्रोजन्स : २० षटकात ८ बाद १४२ धावा, अमेय भागवत ३२, आसिफ शेख २३, प्रेषित मते २३, प्रसाद गिरकर १९, रोहित सिंग ११, प्रसन्ना भांड ३-१७, अब्दुल खान २-३०, सौरभ शर्मा १-३१ वि.वि. चॅम्पियन्स इलेव्हन : २० षटकांत ९ बाद १०७ धावा, अब्दुल खान २३, अक्षय हाजगुडे १५, कनिष्क सिंग १३, गौरव उपाध्याय ३-२६, अमित भांदोरीया २-७, प्रसाद गिरकर २-१९; सामनावीर - प्रसाद गिरकर; ट्रोजन्स संघ ३५ धावांनी विजयी.
गट ड : पुणे हरीकेन्स : २० षटकांत ६ बाद १२२ धावा, सत्यजित काकडे ३६, पवन आनंद २१, शुवरा भादुरी १९, महेश वाघिरे २-१८, अमेय केळकर १-१५, सागर जाधव १-१४ वि.वि. मेडीकोज : १८.२ षटकात सर्वबाद १०८ धावा, प्रफुल मानकर ३१, आबिद शेख २१, कुलदीप ओरपे १९, पवन आनंद ३-१५, अनिल तेवानी ३-३४, पराग दहिवळ २-१४ ; सामनावीर - पवन आनंद; पुणे हरीकेन्स संघ १३ धावांनी विजयी.