पुणे : गेल्या काही दिवसांपासून पुणे स्थानकवरून सुटणाऱ्या गाड्यांना प्रवाशांचा अल्प प्रतिसाद लाभत आहे. त्यामुळे रेल्वे प्रशासनाने या गाडया रद्द करण्याचा निर्णय घेतला आहे.
यामध्ये गाडी क्रमांक ०२०४१ पुणे-नागपूर साप्ताहिक विशेष ही १३ मेपर्यंत तर गाडी क्रमांक ०२०४२ नागपूर-पुणे साप्ताहिक विशेष १४ मेपर्यंत रद्द करण्यात आली. गाडी क्रमांक ०२२३९ पुणे-अजनी साप्ताहिक विशेष १५ मे तर गाडी क्रमांक ०२२४० अजनी-पुणे १६ मे पर्यंत रद्द करण्यात आली.
०२११७ पुणे-अमरावती साप्ताहिक विशेष १२ मे व ०२११८ अमरावती-पुणे १३ मे पर्यंत रद्द झाली. ०२०३६ नागपूर-पुणे आठवड्यातून तीन दिवस धावणारी १५ मे, तर ०२०३५ पुणे-नागपूर आठवड्यातून तीन दिवस धावणारी १३ मेपर्यंत रद्द करण्यात आली. ०११३७ नागपूर-अहमदाबाद साप्ताहिक १२ मे व ०११३८ अहमदाबाद-नागपूर साप्ताहिक १३ मेपर्यंत रद्द करण्यात आली. ०२२२३ पुणे-अजनी साप्ताहिक विशेष १४ मे पर्यंत रद्द करण्यात आली.