पुणे-सातारा महामार्गावरील खेड शिवापूर येथील टोलनाक्यावरील टोल वसुलीचा ठेका गुरुवारी व्हीके एंटरप्राइज यांच्याकडे सुपूर्द करण्यात आला
मार्च 2021 अखेरपर्यंत अशोका स्थापत्य या कंपनीकडे या टोल नाक्याचा टोलवसुलीचा ठेका होता. त्यांची मुदत ३१ मार्च २१ ला संपल्यानंतर या टोल नाक्यावरील टोल वसुलीचा ठेका कोणाला द्यायचा, याची प्रक्रिया गेले महिना भरापासून चालू होती.
या पार्श्वभूमीवर गुरुवारी सकाळी राष्ट्रवादी काँग्रेसचे माजी जिल्हा परिषद सदस्य नवनाथ पारगे व विजय कटके यांच्या व्ही. के. एंटरप्राइज या कंपनीने टोलनाक्यावर टोल वसुलीची सूत्रे हाती घेतली
या वेळी बोलताना नवनाथ पारगे यांनी माहिती दिली की व्हीके एंटरप्राइज या आमच्या कंपनीने आजपासून खेड शिवापूर टोल नाक्यावरील टोल वसुलीची सूत्रे हाती घेतली असून आम्ही या पुढे टोलनाक्यावरून प्रवास करणाऱ्या प्रवाशांचा प्रवास सुखकर व जलद व्हावा यासाठी बांधील आहोत, त्या दृष्टीने आमचा प्रयत्न असणार आहे.