पुणे : वडारवाडी भागातील तम्मा कुसाळकर टोळीतील सक्रिय गुन्हेगाराकडून गुन्हे शाखेच्या युनिट १ च्या पथकाने पिस्तूल व २ जिवंत काडतुसे हस्तगत केली आहेत.
धनंजय राजेंद्र गावडे (वय २८, रा. तानाजीवाडी, शिवाजीनगर) असे या गुन्हेगाराचे नाव आहे. युनिट १ चे पोलीस अधिकारी व कर्मचारी हे गस्त घालत असताना पोलीस अंमलदार सचिन जाधव व आय्याज दड्डीकर यांना बातमीदाराकडून माहिती मिळाली की, धनंजय गावडे हा कोणावर तरी प्राणघातक हल्ला करण्याच्या तयारीने फर्ग्युसन कॉलेजच्या मैदानात आला आहे. या माहितीची खातरजमा करून पोलीस उपनिरीक्षक सुनील कुलकर्णी व त्यांच्या सहकाऱ्यांनी फर्ग्युसन कॉलेजच्या मैदानात जाऊन धनंजय गावडे याला पकडले. त्याच्याकडे एक पिस्तूल व २ काडतुसे असा ६२ हजार रुपयांचा माल मिळाला. त्याच्याविरुद्ध शिवाजीनगर पोलीस ठाण्यात गुन्हा दाखल करुन अटक करण्यात आली आहे.