लोकमत न्यूज नेटवर्क
कोरेगाव भीमा : कोरेगाव भीमा नजीक असलेल्या पेरणेफाटा (ता. हवेली) येथील ऐतिहासिक विजयस्तंभास मानवंदना व अभिवादन दिन कार्यक्रम यशस्वी होण्यासाठी जिल्हा प्रशासन व पोलीस प्रशासनासह इतर विभाग सज्ज झाले आहे. यावर्षी प्रतीकात्मक मानवंदना कार्यक्रम असूनही तो यशस्वी करण्याासाठी ३ हजार पेक्षा पोलीस फौजफाटा, आरोग्य पथक, जिल्हा प्रशासन सज्ज झाले आहे. आज रात्री १२ वाजल्यापासुनच विजयस्तंभास मानवंदना व इतर कार्यक्रमास सुरुवात होणार आहे.
कोरेगाव भिमा येथील १ जानेवारी २०२१ रोजीचे विजयरणस्तंभ अभिवादन कार्यक्रम जरी प्रतिकात्मक असला तरी याठिकाणी बंदोबस्ताचे पार्श्वभूमीवर पोलीस प्रशासनाकडून कडेकोट नियोजन करण्यात आलेले आहे. मानवंदना कार्यक्रमासाठी देशभरासह महाराष्ट्रातील इतर जिल्ह्यांबरोबरच विदर्भ, नागपुर, अमरावती, अकोला, यवतमाळ या भागातून जास्त प्रमाणात जनसमुदाय येतो. मुंबई, पिंपरी चिंचवड, भोसरी या भागातून व महाराष्ट्राबाहेरून देखील लोक येत असतात. कोरोनामुळे यावर्षी मानवंदनेसाठी पास सक्तीचे करण्यात आले आहे. ज्यांना पास असेल त्यांनाच मानवंदनेसाठी प्रवेश देण्यात येणास आहे. मानवंदनेसाठी येणाऱ्या अनुयायांनी सहकार्य करण्याचे आवाहन कोरेगाव भीमा विजय रणस्तंभ सेवा संघाचे अध्यक्ष सर्जेराव वाघमारे यांनी केले.
विजयस्तंभास रात्री १२ वाजता सामुहीक बुध्द वंदना, १२ बाजुन एक मिनीटांनी फटाक्यांची आतिषबाजी करण्यात येणार आहे. सकाळी सहा वाजता राज्याचे उपमुख्यमंत्री अजित पवार व नितीन राऊत हे विजयस्तंभास मानवंदनेसाठी येणार आहेत. त्यानंतर समता सैनिक दलाच्या २५० जवानांची मानवंदना होणार आहे. भिमगितांचे कार्यक्रमही यावेळी होणार आहे. या संपुर्ण मानवंदना कार्यक्रमाचे दुरदर्शनसह इतर माध्यमांबरोबरच माहिती व जनसंपर्क महासंचालनालयाच्या वतीने फेसबुक व युट्युबवर लाईव्ह प्रक्षेपण करण्यात येणार आहे.
पोलीस बंदोबस्त :-
अभिवादन सोहळा शांततेत पार पाडण्यासाठी लोणीकंद आणि शिक्रापूर या पोलीस ठाण्यांच्या हद्यीत कडेकोट पोलीस बंदोबस्त ठेवण्यात आलेला आहे. त्याकरीता ८ अपर पोलीस अधीक्षक, ३१ पोलीस उप विभागीय अधिकारी, ९६ पोलीस निरीक्षक, २२४ सहाय्यक पोलीस निरिक्षक / पोलीस उपनिरिक्षक, २ हजार ४१४ पोलीस कर्मचारी, ७२१ होमगार्ड, बीडीडीएस पथके तसेच पोलीस व्हॅलेटीयर अशा प्रकारे बंदोबस्त लावण्यात आलेला आहे.
मोठी वाहने व साधनसामुग्री
पाचटनी वाहने, लाईट व्हॅन, सुमो / बलेरो, दुचाकी वाहने, व्हिडीओग्राफर, वॉकीटॉकी, एचएचएमडी, डीएफएमड़ी, दोर, पीए सीस्टम, बॅरीगेटस, सीसीटीव्ही कॅमेरे, बॉयनाक्युलर, बॅरीकेटींग साऊंड सिस्टीम, फायर रेसीस्टेंट बलुन्स, मंडप शामीयाना, तंबू टेन्ट नियंत्रण व्यवस्था, प्राथािक आरोग्य केंद्र, अ‍ॅम्बुलन्स, क्रेन, मोबाईल टॉयलेट व पाण्याची व्यवस्था करण्यात आलेली आहे.
महाराष्ट्र मद्य निषेध अधिनियम, १९४९ मधील नियम १४२ अन्वये जिल्हाधिका-यांनी वाघोली, लोणीकंद, पेरणेफाटा (ता. हवेली), तसेच कोरेगाव भीमा, शिक्रापुर, (ता. शिरुर) या ग्रामपंचायत हद्दीतील व परिसरातील सर्व मद्य विक्री बंद ठेवण्याचे आदेश दिले आहेत.
चौकट
अशी असेल वाहतूक
नगरकडून येणारी सर्व जड वाहने शिक्रापूर येथील चाकण चौकातून
चाकणच्या दिशेने वळतील.
पुण्याहून नगरच्या दिशेने जाणारी सर्व व्यावसायिक, खासगी,
प्रवासी वाहतूक करणारी जड वाहने बेरवडा- विश्रांतवाडी-आळंदी- चाकणमार्गे शिक्रापूर-नगर रोड अशी नगरच्या दिशेने जातील. पुण्याहुन नगरकडे जाण्यासाठी दुसरा पर्याय म्हणजे येरवडा-खराडी बायपासमार्गे हडपसर-पुणे-सोलापूर रस्ता-केडगाव- चौफुला- न्हावरे-
शिरूर या मागनि पुढे नगर,
सोलापूर महामार्गावरून पुणे-नगर रस्त्याच्या दिशेने लोणीकंदकडे येणारी
सर्व वाहने हडपसर-मगरपट्टा- खराडी-बायपासमार्गे येरवडा- विश्रांतवाडी-
आळंदी- चाकणमार्गे पुन्हा शिक्रापूरकडून नगरच्या दिशेने जातील. आळंदीकडून पुणे-नगर महामार्गाकडे जाऊ इच्छिणारी सर्व वाहने
मरकळ-शेलपिंपळगाव ते शिक्रापूर या मार्गाने पुढे नगरकडे जातील. आळंदीकडून सोलापूर रस्त्याकडे जाणारी सर्व वाहने विश्रांतवाडी-
येरवडा-खराडी बायपास ते हडपसरमार्गे सोलापूरकडे जातील.
विजय रणरणस्तंभ अभिवादन पास १८०८ नागरिकांनी घेतले
लोणीकंद : विजय रणस्तंभ या वर्षी मानवंदना कार्यक्रम साठी जिल्हा प्रशासनाने पास पध्दत राबवत आहे. लोणीकंद पोलीस ठाण्ण्यातून सायंकाळी पर्यंत १८०८ नागरिकांना पास देण्यात आले. लोणीकंद पोलिस निरिक्षक प्रताप मानकर यांच्या मार्गदर्शन खाली सहा अधिकाऱ्यांचे पथक पास देण्याची काम करत आहेत. संघटनेच्या नावाने पत्र, आधार कार्ड, फोटो आदी पुर्तंता केल्यावर तात्काळ पास दिले जात आहेत. सोलापूर, सांगली भागातील तर पिंपरी चिंचवड, पुणे शहर, पुणे ग्रामीण भागातील बहुसंख्य कार्यकर्ते नी पास घेतले आहे. उद्या दिवसभर पास प्रक्रिया चालू राहणार आहे.
फोटो : कोरेगाव भीमा (ता.शिरुर) पेरणे फाटा असलेल्या ऐतिहासीक विजयस्तंभाची सजावट करताना