पुणे : पूर्ववैमन्यातून तरुणावर तलवारीने वार करण्याची घटना लोहियानगर येथे घडली. याप्रकरणी खडक पोलिसांनी करण कालीदास साळवे (वय २२, रा. लोहियानगर) याला अटक केली आहे.
याबाबत साहील बागवान (वय२१, रा. लोहियानगर) असे जखमी झालेल्या तरुणाचे नाव आहे. ही घटना लोहियानगरमधील बाबु मामडी चौकात २ जानेवारी रोजी सायंकाळी सव्वा पाचच्या सुमारास घडली. खडक पोलिसांनी खुनाचा प्रयत्न केल्याचा गुन्हा दाखल केला आहे.
बागवान व साळवे यांच्या २०१६ मध्ये भांडणे झाली होती. याप्रकरणी खडक पोलिस ठाण्यात गुन्हा दाखल असून, कोर्टात केस सुरू आहे. दरम्यान साळवे याने बागवान याच्याकडे येऊन केसचे काय झाले? केस कधी बोर्डावर येणार आहे? याबाबत विचारणा केली. त्यावेळी बागवान याने मला अजून कोर्टाचे समन्स आले नसल्याचे सांगितले. त्यावरुन साळवे याने बागवानला आज तुझी विकेटच पाडतो असे म्हणत शिवीगाळ केली. त्यानंतर बागवान हा तेथून घरी जात असताना, साळवे याने पाठीमागे येऊन तलवारीने त्याच्या डोक्यात व हातावर तलवारीने वार केले.