लोकमत न्यूज नेटवर्क
पुणे : सासरी होणाऱ्या छळाला कंटाळून विवाहितेने राहत्या घरी गळफास घेऊन आत्महत्या केली. ही घटना मार्केट यार्डमधील प्रेमनगर वसाहतीत २४ मे रोजी घडली.
याप्रकरणी मार्केट यार्ड पोलिसांनी सागर मोहन कांबळे (वय २५, रा. प्रेमनगर वसाहत, मार्केट यार्ड) यांच्याविरुद्ध गुन्हा दाखल केला आहे. दीपाली सागर कांबळे असे आत्महत्या केलेल्या विवाहितेचे नाव आहे. याप्रकरणी त्यांच्या बहिणीने मार्केट यार्ड पोलिसांकडे फिर्याद दिली आहे.
दीपाली यांचा १८ सप्टेंबर २०२० पासून छळ सुरू होता. दीपाली यांना वारंवार जेवण नीट बनवत नाही. आईकडे लक्ष देत नाही. माहेरच्या नातेवाईकांशी फोनवर बोलत असते, असे वेगवेगळ्या कारणावरून त्यांचा शारीरिक व मानसिक छळ केला जाता होता. सागर कांबळे हा मानसिक छळ करून तू एकदाची मरत का नाहीस म्हणजे मला तुझ्यापासून सुटका मिळेल, असे म्हणून दीपाली यांना आत्महत्येस प्रवृत्त केले. सागर यांच्या जाचाला कंटाळून त्यांनी २५ मे रोजी गळफास घेऊन आत्महत्या केली. पोलीस उपनिरीक्षक भोसले अधिक तपास करीत आहेत.