पुणे जिल्ह्यात (ग्रामीण भागातील जिल्हा परिषद व खासगी शाळा) तेरा तालुक्यांमध्ये इयत्ता ५ वी ते ८ वीचे वर्ग असलेल्या एकूण १ हजार ९५४ शाळा आहेत. त्यामध्ये २ लाख ५३ हजार २१३ विद्यार्थी संख्या आहे. बुधवारपासून (दि. २७) जिल्ह्यातील शाळा सुरू झाल्या. पहिल्या दिवशी पन्नास टक्के शाळा सुरू झाल्या होत्या. तर ६६ हजार १८ विद्यार्थ्यांनी हजेरी लावली. दुसऱ्या दिवशी १ हजार ९५४ शाळांपैकी १ हजार ८६६ शाळा सुरू झाल्या. त्यामध्ये एकूण २ लाख ५३ हजार २१३ विद्यार्थ्यांपैकी ७६ हजार २५१ विद्यार्थ्यांनी हजेरी लावली. आज जवळपास दहा हजार विद्यार्थ्यांची संख्या वाढली, अशी माहिती जिल्हा परिषद उपाध्यक्ष व शिक्षण विभागाचे सभापती रणजित शिवतरे आणि प्राथमिक शिक्षणाधिकारी सुनील कुऱ्हाडे यांनी दिली.
चौकट
...आज आणखीन १६ शिक्षक तर ४ शिक्षकेत्तर कर्मचारी करोना पॉझिटिव्ह
ग्रामीण भागात इयत्ता ५ वी ते ८ वीच्य वर्गांना शिकविणाऱ्या जिल्हा परिषद आणि खासगी शाळेतील एकूण शिक्षक संख्या १० हजार ८६ तर शिक्षकेतर कर्मचारी संख्या ३हजार 91 इतकी आहे. शाळा सुरू होण्यापूर्वी शिक्षक आणि शिक्षकेतर कर्मचाऱ्यांची करोना नमुने तपासाणी करण्यात आली. त्यामध्ये आतापर्यंत 8 हजार 445 शिक्षकांची आरटीपीसीआर तपासणी करण्यात आली. त्यामध्ये बुधवारी 12 तर आज दिवसभरात आणखीन 16 असे एकूण 28 शिक्षकांचा अहवाल पॉझीटीव्ह आला. आंबेगाव तालुक्यातील 8, दौंड 6, खेड, शिरूर आणि वेल्हा तालुक्यातील प्रत्येकी 3, मुळशी 2 तर मावळ, हवेली आणि पुरंदरमधील प्रत्येकी 1 शिक्षकाचा समावेश आहे. 2 हजार 552 शिक्षकेतर कर्मचाऱ्यांपैकी दौंड तालुक्यातील 3, शिरूर तालुक्यातील 2 तर मुळशीमधील एक असे एकूण 6 जणांचा अहवाल पॉझिटिव्ह आला.
5 वी ते 8 वीच्या शाळा सुरू अहवाल (ग्रामीणमधील जिल्हा परिषद आणि खासगी शळा)
तालुका शाळांची संख्या विद्यार्थी संख्या आज सुरू झालेल्या शाळा आज उपस्थित झालेले विद्यार्थी
आंबेगाव 99 13588 54 2806
बारामती 139 27813 125 8931
भोर 143 7679 122 4160
दौंड 160 15901 147 9620
हवेली 172 28987 134 5586
इंदापूर 142 28038 112 7850
जुन्नर 185 21702 163 9476
खेड 222 37564 43 2835
मावळ 214 24013 174 6788
मुळशी 126 7453 532 2729
पुरंदर 100 13715 99 7106
शिरूर 163 24543 83 6985
वेल्हा 80 2217 78 1379