चाकण नगरपरिषदेमधील प्रभाग क्रमांक दोनमधील स्वीकृत नगरसेवक विशाल नायकवाडी यांनी स्वखर्चाने दीड लाख रुपयांचे चाकण आंबेठाण रस्त्यावरील झित्राईमळा ते केएसएच कंपनीच्या दरम्यान गतिरोधक बसवण्यात आले आहे. तसेच माऊलीनगर येथे दोन लाख रुपयांची स्ट्रीट लाईट व अडीच लाख रुपये खर्च करून श्रीनगर कॉलनीमधील पाण्याची पाइपलाइनचे काम केली आहेत. तसेच गणेशनगर येथील आमदार फंडातून मंजूर झालेल्या सिमेंट काँक्रीटीकरण रस्ता आदी कामांचे भूमिपूजन आमदार दिलीप मोहिते पाटील यांच्या हस्ते करण्यात आले.
यावेळी कृषी उत्पन्न बाजार समितीचे सभापती विनायक घुमटकर,स्वीकृत नगरसेवक विशाल नायकवाडी राष्ट्रवादी काँग्रेसचे शहराध्यक्ष राम गोरे, विरोधी पक्षनेते जीवन सोनावणे,संगीता नाईकरे,योगेश देशमुख,किरण कौटकर, बाळासाहेब गायकवाड, उद्योजक रणजित जरे, वेंकटेश सोरटे, राहुल नाईकवाडी तसेच गणेशनगर,आदर्श नगर,श्रीनगर व माऊलीनगर नागरीक उपस्थित होते.
मोहिते पाटील पुढे म्हणाले की,भविष्यात चाकण मधील सर्व रस्ते कॉंक्रिटीकरण करण्यात येणार आहे. विशाल नायकवाडी हे स्वीकृत नगरसेवक पदावर काम करण्यासाठी थोडा कालावधी मिळाला.तरीही त्यांनी विविध कामांचा पाठपुरावा केला तसेच स्वखर्चातून ही बरीच कामे मार्गी लावली आहेत. सूत्रसंचालन वेंकटेश सोरटे यांनी केले तर आभार राहुल नायकवाडी यांनी मानले.
फोटो : चाकण येथील झित्राईमळा येथे विविध विकासकामांचे भूमीपूजन करताना.