लोकमत न्यूज नेटवर्क
पुणे : थर्ड आय स्पोर्ट्स अँड इव्हेंट्स एलएलपीच्या वतीने आयोजित जेझेड थर्ड आय करंडक बारा वर्षांखालील क्रिकेट स्पर्धेत अखेरच्या साखळी फेरीत अभिनव केंगरच्या अर्धशतकी खेळीच्या जोरावर द स्पोर्ट्स पार्क संघाने २२ यार्डस अ संघाचा ६ धावांनी पराभव करत उपांत्य फेरीत प्रवेश केला.
भूगाव येथील द पूना वेस्टर्न क्लब मैदानावरील स्पर्धेच्या साखळी फेरीत द स्पोर्ट्स पार्क संघाने प्रथम फलंदाजी करताना २५ षटकांत ४ बाद १४४ धावा केल्या. यात अभिनव केंगरने ८९ चेंडूंत ११ चौकार व एका षटकाराच्या मदतीने ७२ धावा, आलोक लोढाने १२ धावा काढून डावाला आकार दिला.
याच्या उत्तरात २२ यार्डस अ संघाचा डाव २३.३ षटकांत १३८ धावांवर संपुष्टात आला. यात आर्यन पवार २०, पुरवित राव नाबाद १५, श्रेयश बिहाडे १२ यांनी थोडासा प्रतिकार केला. द स्पोर्ट्स पार्ककडून शौर्य पाटील (२-२४) पुष्कर प्रधान (२-२२), विभास मेश्राम (२-३७) यांनी प्रत्येकी दोन गडी बाद करून संघाच्या विजयात मोलाचा वाटा उचलला.
स्पर्धेचा सविस्तर निकाल : साखळी फेरी :
द स्पोर्ट्स पार्क : २५ षटकांत ४ बाद १४४ धावा, अभिनव केंगर ७२, आलोक लोढा १२, आर्यन पवार १-३०, निलमेघ नागवकर १-२१ वि.वि. २२ यार्डस अ : २३.३ षटकांत सर्व बाद १३८ धावा, आर्यन पवार २०, पुरवित राव नाबाद १५, श्रेयश बिहाडे १२, शौर्य पाटील २-२४, पुष्कर प्रधान २-२२, विभास मेश्राम २-३७ ; सामनावीर - अभिनव केंगर; द स्पोर्ट्स पार्क संघ ६ धावांनी विजयी.