देवस्थानच्या वतीने दुपारी १२ वा. महापूजा व महानैवेद्य करण्यात आला. येथील युवा उद्योजक गणेश भगवंत लांडे यांच्या वतीने ५१ डझन हापूस आंबे अर्पण करून श्री महागणपतीला आकर्षक आरास करण्यात आली, असे विश्वस्त प्रा. नारायण पाचुंदकर यांनी सांगितले. या वेळी शिरूर आंबेगाव राष्ट्रवादी काँग्रेसचे अध्यक्ष मानसिंग पाचुंदकर, उद्योजक गणेश लांडे, मोहन लांडे यांनी देवस्थानकडे प्रसाद म्हणून ५१ डझन हापूस आंबा सुपूर्द केला. विश्वस्त डॉ. संतोष दुंडे, प्रा. नारायण पाचुंदकर, अँड. विजयराज दरेकर, व्यवस्थापक बाळासाहेब गोऱ्हे, हिशोबनीस संतोष रणपिसे तसेच पुजारी मकरंद कुलकर्णी व पुजारी प्रसाद कुलकर्णी उपस्थित होते.
कोरोना विषाणूचा प्रसार व प्रादुर्भाव रोखण्यासाठी शासन निर्णयानुसार प्रतिबंधात्मक उपाय म्हणून मंदिर भाविकांना दर्शनासाठी पूर्णपणे बंद असून "श्रीं" ची दैनंदिन पूजा, धार्मिक विधी नित्यनियमाने सुरू असल्याचे विश्वस्त अँड. विजयराज दरेकर यांनी सांगितले.
रांजणगाव गणपती येथील श्री महागणपतीला युवा उद्योजक गणेश लांडे यांनी ५१ डझन हापूस आंबा अर्पण केला.