केवळ एकजण निघाला कोरोनाबाधित
केवळ एक जण निघाला कोरोनाबाधित
बारामती :बारामती शहरात ३८६ व्यापाऱ्यांच्या दुकानात जाऊन अँटिजन तपासणी करण्यात आली. यामध्ये केवळ १ व्यापारी कोरोनाबाधित निघाल्याने बारामतीकरांना दिलासा मिळाला आहे.
उपविभागीय अधिकारी दादासो कांबळे यांच्या मार्गदर्शनाखाली बारामती नगर परिषद,पंचायत समिती आरोग्य विभाग व उपजिल्हा रुग्णालय यांच्या वतीने हा आरोग्य तपासणीचा उपक्रम राबविण्यात आला.यावेळी आज शहरातील ३८६ दुकानदारांची अँटिजन तपासणी करण्यात आली यामध्ये केवळ १ व्यापारी कोरोनाबाधित असल्याचे आढळून आला.
शहरातील भिगवण चौकातील उद्योग भवन, सिनेमा रोड, नेवसे रोड व सुभाष चौकापर्यंत १९४ लोकांची तसेच गुणवडी चौकातील राजर्षी शाहू महाराज कॉम्प्लेक्स, मासळी बाजार ,चिकन मार्केट,भाजीपाला दुकानदार, हातगाडीवर फ्रुट विकणाऱ्यांची तपासणी करण्यात आली.
मागील आठ दिवसांत ऐकून केलेल्या १३८६ तपासणी मध्ये २ कोरोनाबाधित रुग्ण आढळले असल्याने बारामतीकरांसाठी ही दिलासा देणारी बाब आहे.तर बारामती नगर परिषदेच्या अतिक्रमण विभाग व सहकाऱ्यांच्या मदतीने ही मोहीम सुरू असल्याचे अतिक्रमण विभाग प्रमुख संतोष तोडकर, समाज कल्याण अधिकारी सचिन खोरे व डॉ. हेमंत नाझीरकर यांनी सांगितले.
शासनाकडून सुपर स्प्रेडरची दर पंधरा दिवसांनी कोरोना तपासणी करणे बंधनकारक आहे. मागील दहा दिवसांपासून बारामती नगर परिषद अतिक्रमण विभाग व पंचायत समिती आरोग्य विभागाकडून व्यापाऱ्यांच्या दारात जाऊन मालक व कामगार यांची अँटिजन तपासणी करण्याचे काम सुरू असल्याचे प्रशासनाच्या वतीने सांगण्यात आले.
बारामती शहरात राजर्षी शाहू महाराज कॉम्प्लेक्स येथे अँटिजन तपासणी करताना अधिकारी व व्यापारी.
२३०६२०२१-बारामती-०५