पर्यावरणाचे रक्षण व महत्त्व विद्यार्थ्यांना समजण्यासाठी प्रशालेत सतराव्या वर्धापनानिमित्त वृक्षारोपण करण्यात आले. या वेळी सर्व विद्यार्थी या उपक्रमात ऑनलाईन उपस्थित होते. शैक्षणिक संकुलांचे महत्त्वाचे चार स्तंभ असतात ते म्हणजे शाळा, शिक्षक, विद्यार्थी व पालक. परंतु या जागतिक महामारीमुळे सध्या सर्व गोष्टी पूर्णपणे बंद आहेत. तरीदेखील पालक व विद्यार्थ्यांपर्यंत तंत्रज्ञानाची मदत घेऊन ऑनलाईन शिक्षण प्रभावी पणे यशस्वीरीत्या घेतल्याबद्दल शिक्षकांचे कौतुक संस्थेचे अध्यक्ष शामराव देशमुख यांनी केले. या कार्यक्रमास संस्थेचे संस्थापक साहेबराव देशमुख, खजिनदार सुमन देशमुख, सचिव रोहिणी देशमुख,प्राचार्य व शिक्षक उपस्थित होते.
--
फोटो क्रमांक : १५ चाकण एसपी विद्यालय वृक्षारोपण
फोटो - चाकण येथील एस पी देशमुख विद्यालयात वृक्षारोपण.