पुणे : मार्केट यार्ड फळबाजारात रविवारी सर्व प्रकारच्या फळांची आवक मोठ्या प्रमाणात झाली. सीताफळ, खरबूज, कलिंगड, पपईच्या दरात मागणी वाढल्याने वाढ झाली आहे.
खरबुजाच्या दरात किलोमागे ५ रुपये, कलिंगड १ रुपया, तर पपईच्या दरात किलोमागे ३ रुपयांनी वाढ झाली आहे. तर, मागणी वाढल्याने सीताफळाच्या दारात २० टक्क्यांनी वाढ झाली आहे. मागणीच्या तुलनेत पुरवठा होत असल्याने इतर सर्व फळांचे दर मागील आठवड्याच्या तुलनेत स्थिर आहेत, अशी माहिती व्यापाऱ्यांनी दिली.
केरळ येथून अननस ५ ट्रक, मोसंबी १० ते १२ टन, संत्री १ टन, डाळिंब ४० ते ४५ टन, पपई ७ ते ८ टेम्पो, लिंबे अडीच ते तीन हजार गोणी, पेरू ५० क्रेट, चिक्कू दोनशे ते तीनशे बॉक्स, खरबुजाची २ ते ३ टेम्पो, कलिंगड २ ते ३ टेम्पो, सीताफळ ६ ते ८ टन इतकी आवक झाली.
पावसामुळे लिंबाला मागणी कमी झाल्याने भावात गोणीमागे २५ ते ३० रुपयांनी घट झाली आहे.
फळांचे भाव पुढीलप्रमाणे :- लिंबे (प्रति गोणी) : ६०-१७०, अननस (डझन) : ७०-२७०, मोसंबी : (३ डझन) : १२०-४००, ( ४ डझन ) : ७० ते १५०, संत्रा : (१० किलो) : ४००-१२००, डाळिंब (प्रति किलोस) : भगवा : २०-८०, गणेश : ५-२०, आरक्ता १०-४०. कलिंगड: ५-७, खरबूज : १०-२५, पपई : ८-१५, चिक्कू (१० किलो) २००-५००, पेरू (२० किलो): २५०-३००, सीताफळ : २०-२००.