लोकमत न्यूज नेटवर्क
ओतूर : जुन्नर कृषी उत्पन्न बाजार समितीचे उपबाजार आवार ओतूर येथे गुरुवारी ३६ हजार २४५ कांदा पिशव्यांची विक्रमी आवक झाली. प्रतवारीनुसार नं १ गोळा कांद्यास १० किलोस २२० रुपये ते २५५ रुपये भाव मिळाला बाजारभावात थोडी वाढ झाली आहे, अशी माहिती जुन्नर कृषी उत्पन्न बाजार समितीचे सभापती ॲड. संजय काळे व उपसभापती दिलीप डुंबरे यांनी दिली.
प्रतवारीनुसार कांद्याला मिळालेले भाव :
कांदा नं. १ गोळा २२० ते २५५ रुपये, सुपर कांदा १८० ते २४० रुपये, कांदा नं.२ गोल्टा १४० ते १८० रुपये, कांदा नं ३ गोलटी / बदला- ५० ते १५० रुपये.
बटाटा बाजार
गुरुवारी १५२ बटाटा पिशव्यांची आवक झाली. प्रतवारीनुसार १० किलोस ५० रुपये ते १४५ भाव मिळाला, अशी माहिती ओतूर मार्केटचे कार्यालय प्रमुख दीपक मस्करे यांनी दिली.