पीवायसी अ, सन्मित्र, डेक्कन, शारदा संघ विजयी

पीवायसी अ व ब, डेक्कन जिमखाना, शारदा स्पोटर््स सेंटर अ, सन्मित्र संघाने आपापल्या प्रतिस्पर्ध्यांचा पराभव करून पुणे जिल्हा टेबल टेनिस संघटना

लोकमत न्यूज नेटवर्कपुणे : पीवायसी अ व ब, डेक्कन जिमखाना, शारदा स्पोटर््स सेंटर अ, सन्मित्र संघाने आपापल्या प्रतिस्पर्ध्यांचा पराभव करून पुणे जिल्हा टेबल टेनिस संघटना आयोजित जिल्हास्तरीय आंतरक्लब टेबल टेनिस स्पर्धेत विजय नोंदविला. ही स्पर्धा शहरातील चार क्लबमध्ये सुरू आहे.पीवायसी अ संघाने शेटिया हॉस्पिटल अ संघाला ३-० गेममध्ये, डेक्कन जिमखाना अ संघाने श्री स्पोटर््स अ‍ॅकॅडमी संघाचा ३-०, शारदा स्पोटर््स सेंटर अ संघाने सोलारिस स्पोटर््स वर्ल्ड सी संघाचा पराभव केला. पीवायसी ब संघाने टेनिस फ्रिक्स सेंटर क संघाचा ३-० ने पराभव केला. या लढतीत अविनाश जोशीने निश्चय डीचा ११-५, ११-९, ११-८, दुसऱ्या एकेरीत शेखर काळेने मनीष आचार्याचा ११-६, १०-१२, ११-८, ११-६, तिसऱ्या एकेरीत दीपेश अभ्यंकरने स्वानंद पंडितला १२-१०, ११-६, ११-१ असे पराभूत केले.