पुणे : ‘लोकमत पुणे प्रॉपर्टी शोकेस २०१६’ या भव्य गृहप्रदर्शनाद्वारे बजेट होमपासून सेकंड होमपर्यंत, रो- हाऊसपासून, बंगलो प्लॉटपर्यंत प्रॉपर्टीचे अनेक पर्याय एकाच छताखाली पाहण्याची व निवडण्याची संधी ‘लोकमत समूहा’ने पुणेकरांना उपलब्ध करून दिली आहे. या भव्य प्रदर्शनाचे आज (शनिवार, दि. २६ मार्च) सकाळी १० वाजता उद्घाटन होईल. महापौर प्रशांत जगताप यांच्या हस्ते उद्घाटन होईल. क्रेडाई, पुणे मेट्रोचे अध्यक्ष शांतिलाल कटारिया, पु. ना. गाडगीळ ज्वेलर्सचे अध्यक्ष व व्यवस्थापकीय संचालक सौरभ गाडगीळ यांची प्रमुख उपस्थिती असणार आहे. चार वर्षांपासून लोकमत ‘पुणे प्रॉपर्टी शोकेस’ नावाने नामांकित व प्रथितयश बांधकाम व्यावसायिकांच्या गृहप्रकल्पांच्या प्रदर्शनाचे आयोजन करते. यंदाचे या उपक्रमाचे हे यशस्वी पाचवे वर्ष असून, यामध्ये पुण्यातील ३५ बांधकाम व्यावसायिकांचे २०० हून अधिक गृहप्रकल्प यात पाहता येणार आहेत. हे गृहप्रदर्शन शनिवारीव रविवारी गणेश कला क्रीडा मंच स्वारगेट येथे होणार असून, प्रवेश विनामूल्य असून, प्रदर्शनाची वेळ सकाळी १० ते रात्री ८ आहे. या उपक्रमाचे आउटडोर पार्टनर बिग इंडिया ग्रुप आहेत. (प्रतिनिधी)
‘पुणे प्रॉपर्टी शोेकेस’चे आज होणार उद्घाटन
By admin | Updated: March 26, 2016 03:13 IST