लोकमत न्यूज नेटवर्क
पुणे : कर्मा ९ टी-२० कॉर्पोरेट क्रिकेट स्पर्धेत साखळी फेरीत पुणे क्रिकेट अकादमी व टायटन्स या संघांनी अनुक्रमे कॉसमॉस बँक व मार्क लॅब्स प्रायव्हेट लिमिटेड या संघांचा पराभव करून आगेकूच केली.
लिजेंड्स क्रिकेट मैदान येथे दर शनिवार व रविवार या दिवशी सुरू असलेल्या या स्पर्धेत पहिल्या सामन्यात प्रतीक पोखरणीकर (२-६ व नाबाद ७६ धावा) याने केलेल्या अष्टपैलू खेळीच्या जोरावर पुणे क्रिकेट अकादमी संघाने कॉसमॉस बँक संघाचा सात गडी राखून पराभव करत विजयी सलामी दिली. दुसऱ्या सामन्यात विजय धर्मानी (४-१२) याने केलेल्या भेदक गोलंदाजीच्या जोरावर टायटन्स संघाने मार्क लॅब्स प्रायव्हेट लिमिटेड संघाचा २६ धावांनी पराभव केला.
स्पर्धेचा सविस्तर निकाल : साखळी फेरी :
१) कॉसमॉस बँक : २० षटकांत ७ बाद ११४ धावा, रोहित ओहाळ ४४, नवनाथ पारखे २६, निखिल शेवाळे १२, प्रतीक पोखरणीकर २-६, हर्षवर्धन पाटील २-२१ पराभूत वि. पुणे क्रिकेट अकादमी : १५.४ षटकात ३ बाद ११८ धावा, प्रतीक पोखरणीकर नाबाद ७६, राज नवले १०, निखिल शेवाळे १-२५, रणजीत जगताप १-३५, सामनावीर - प्रतीक पोखरणीकर.
२) टायटन्स : १९.५ षटकात सर्वबाद १२६ धावा, प्रतीक बक्षी ३१, रोनक जी २१, सुनील धर्मानी १७, विपुल खैरे ३-२५, प्रथमेश गोसावी २-२८, पंकज इंदळकर १-११ वि.वि. मार्क लॅब्स प्रायव्हेट लिमिटेड : १८.३ षटकात सर्वबाद १०० धावा, पंकज इंदळकर नाबाद ३६, प्रथमेश चिकने १२, विजय धर्मानी ४-१४, प्रकाश कारिया २-१९, सामनावीर - विजय धर्मानी.