पु. ना. गाडगीळ ज्वेलर्सचा सलमान खान ग्लोबल ब्रँड अम्बॅसिडर

पु. ना. गाडगीळ ज्वेलर्सने प्रसिद्ध अभिनेता सलमान खान यांना पुढील तीन वर्षांसाठी ग्लोबल ब्रँड अम्बॅसिडर म्हणून करारबद्ध केले आहे.

पुणे : पु. ना. गाडगीळ ज्वेलर्सने प्रसिद्ध अभिनेता सलमान खान यांना पुढील तीन वर्षांसाठी ग्लोबल ब्रँड अम्बॅसिडर म्हणून करारबद्ध केले आहे. व्यवस्थापकीय संचालक सौरभ गाडगीळ म्हणाले, ‘‘पु. ना. गाडगीळ ज्वेलर्स हा त्याच्या ग्राहकांच्या आवडीनिवडीचा विचार करणारा ब्रँड आहे. ग्राहकांना उच्च प्रतीचे दागिने व सेवा पुरवण्यावर आमचा नेहमीच भर राहिलेला आहे. आता जगभरातील आमच्या ग्राहकांना अशीच उत्तम सेवा देणे, हे आमचे ध्येय आहे. सलमान खान यांना जागतिक ओळख आहे; त्यामुळे आमचा ब्रँड जगभरात पोहोचेल.’’ सलमान खान म्हणाले, ‘‘सक्षम कारकीर्द आणि वारसा लाभलेल्या पु. ना .गाडगीळ ज्वेलर्ससोबत माझे नाव जोडले जाताना आनंद होत आहे. वयाच्या १५व्या वर्षापासून ९९ वयापर्यंत दाजीकाकांनी केलेल्या गौरवशाली व धाडसी प्रवासाची वारसदार असलेली सहावी पिढी उत्तम काम करीत आहे. सौरभ गाडगीळदेखील या वाटचालीशी जोडले गेले आहेत. हा ब्रँड राष्ट्रीय व आंतरराष्ट्रीय प्रगती करण्यास प्रेरणा देतो.’’ या सोहळ्यादरम्यान सलमान खान हे पु. ना. गाडगीळ ज्वेलर्सच्या एलिट लॉयल्टी प्रोग्राम- ‘थिंक प्युअर’चेदेखील सदस्य झाले. या प्रसंगी सौरभ गाडगीळ यांनी सलमान खान यांना प्लॅटिनम कार्ड देऊन सन्मानित केले. पु. ना. गाडगीळ ज्वेलर्स सलमान खान यांच्या 'बीइंग ह्युमन'साठी खास दागिने घडवीत आहे. पुरुषांच्या आवडत्या दागिन्यांपैकी एक असलेले फिरोझा ब्रेसलेटदेखील आता चांदी, शुभ्र सोने आणि प्लॅटिनममध्ये उपलब्ध होईल.