शिवसेना शहरचे अध्यक्ष केशव बंडगर, दयानंद चव्हाण यांच्या नेतृत्वाखाली हे आंदोलन करण्यात आले. या वेळी दयानंद चव्हाण यांनी राणेंवर जोरदार टीका केली. नारायण राणे शिवसेनेच्या माध्यमातून पुढे आले. त्यांना बाळासाहेब ठाकरे यांनी मोठं केलं. मुख्यमंत्रीसुध्दा केलं. पण त्यांना त्याचीही जाणीव राहिली नाही. काँग्रेसमध्ये जाऊन तिथेही मंत्रिपदे उपभोगली, पण त्यांना त्याचीही जाणीव नाही. त्यांची अवस्था झाडावर वाढणाऱ्या परजीवी वनस्पतीसारखी आहे. ज्याच्या जिवावर ते वाढते त्याच झाडाच्या ते मुळावर उठते, असेच त्यांचं झालं आहे. या वेळी शहर अध्यक्ष केशव बंडगर, प्रकाश ताटे, गजानन रणनवरे, राजेंद्र पटने, कृष्णा करपे, दीपक जाधव, मयूर पवार, गोपाल बंडगर, सागर बागडे, शरद लकडे, केतन चव्हाण, संग्राम घोणे इत्यादी उपस्थित होते.
२५ नीरा शिवसेना
राणेंविरोधात आंदोलन करताना शिवसेनेचे कार्यकर्ते.