लोकमत न्यूज नेटवर्क
पुणे : मार्केट यार्डात रविवारी पपई आणि लिंबांचे भाव वाढले आहेत. तर कलिंगड, सीताफळ आणि पेरूच्या भावात घट झाली आहे. तसेच इतर अननस, डाळिंब, संत्रा, मोसंबी, खरबूज आणि चिक्कूचे भाव स्थिर आहे, अशी माहिती फळबाजारातील व्यापाऱ्यांनी दिली.
लिंबांच्या भावात गोणीमागे शंभर रुपयांनी वाढ झाली असून पपईच्या भावात किलोमागे दोन ते तीन रुपयांनी वाढ झाली आहे. तर कलिंगडाच्या भावात किलोमागे आठ ते दहा रुपयांची घट झाली आहे़. सीताफळाचे भावही दहा ते वीस टक्क्यांनी घसरले असून पेरूच्या भावात वीस किलोच्या क्रेटमागे १०० ते १५० रुपयांची घट झाली आहे.
कलिंगड दोन ते तीन टेम्पो, खरबूज एक ते दोन टेम्पो, अननस ४ ट्रक, मोसंबी ४० ते ५० टन, संत्री १ ते दोन टन, डाळिंब ३० ते ३५ टन लिंबे दीड ते दोन हजार गोणी, पेरू ६०० ते ७००
क्रेट, चिक्कू एक हजार बॉक्स इतकी आवक झाली.
फळांचे भाव पुढीलप्रमाणे :- लिंबे (प्रति गोणी) : २००-४००, अननस (डझन) : ७०-२७०, मोसंबी : (३ डझन) : १००-२२०, ( ४ डझन) : ३० ते १००, संत्रा : (१० किलो) : १००-८००, डाळिंब (प्रति किलोस) : भगवा : ३०-१३०, गणेश : ५-२५, आरक्ता १०-५०. कलिंगड: ८-१२, खरबूज :
२५-३०, पपई : १५-२८, चिक्कू (१० किलो) १००-५००, पेरू (२० किलो): १५०-३००.
फोटो ओळ : १) मार्केट यार्डात रविवारी पपईची आवक मोठ्या प्रमाणात झाली असून दरातही वाढ झाली.
२) हिमाचल प्रदेश येथून मोठ्या प्रमाणात सिमला सफरचंदाची आवक झाली आहे.
३) डाळिंबाची देखील रविवारी मोठी आवक झाली आहे.
३) सीताफळाची देखील मोठी आवक झाली मात्र भावात घट झाली आहे.