लोकमत न्यूज नेटवर्क
पुणे : मार्केट यार्डातील भाजीपाला विभागात फळभाज्यांची आवक मागील आठवड्याइतकीच स्थिर आहे. मात्र, कांदा, लसूण, हिरवी मिरची, शेवगा, गाजर, घेवडा आणि तोतापुरी कैरीच्या दरात घसरण झाली. तर फ्लॉवरच्या दरात काही प्रमाणात वाढ झाली आहे. अन्य सर्व फळभाज्यांचे दर स्थिर असल्याची माहिती व्यापारी विलास भुजबळ यांनी दिली.
श्री छत्रपती शिवाजी मार्केट यार्डातील तरकारी विभागात रविवार (दि.४) रोजी ८० ते ९० ट्रक शेतीमालाची आवक झाली. यात परराज्यातून आलेल्या मालामध्ये राजस्थान येथून ३ टेम्पो गाजर, गुजरात आणि कर्नाटकातून ४ ते ५ टेम्पो कोबी, आंध्र प्रदेश आणि तामिळनाडूतून ४ ते ५ टेम्पो शेवगा, गुजरात, कर्नाटक आणि आंध्रप्रदेशातून १० ते १२ टेम्पो हिरवी मिरची, तामिळनाडू आणि कर्नाटकातून तोतापूरी कैरी ५ ते ६ टेम्पो, हिमाचल प्रदेशातून मटार ३ ट्रक, मध्यप्रदेश आणि गुजरातधून ५ ते ६ ट्रक लसूण, आग्रा, इंदौर आणि स्थानिक परिसरातून बटाट्याची ४५ ते ५० ट्रक इतकी आवक झाली आहे.
स्थानिक भागातून झालेल्या आवकेमध्ये सातारी आले १२०० गोणी,कोबी सुमारे ८ ते १० टेम्पो, प्लॉवर ७ ते ८ टेम्पो, भेंडी ५ ते ६ टेम्पो, गवार ४ ते ५ टेम्पो, सिमला मिरची १० ते १२ टेम्पो, टोमॅटो ६ ते ७ हजार पेटी, तांबडा भोपळा ८ ते १० टेम्पो, हिरवी मिरची ३ ते ४ टेम्पो,पावटा ४ ते ५ टेम्पो, मटार २०० गोणी, भुईमुग शेंग ५० ते ६० गोणी, गावरान कैरी ५ ते ६ टेम्पो, कांदा ५० ते ६० ट्रक इतकी आवक झाली.
--------
भाजीपाला घाऊक दर किरकोळ दर
कांदा ०८-१२ १५-२५
बटाटा ०८-१४ १५-३०
टोमॅटो ०८-१२ १५-२५
भेंडी २५-३० ३०-४०
गवार ३५-४० ४०-५०
मिरची ३५-५५ ४५-६०
कोथिंबीर ०७-१० १०-१५
मेथी ०३-०७ १०-१५
मटार ५५-६० ७०-८०
गाजर १०-१४ १५-२०
---
कोथिंबीर, मेथी, शेपू, कांदापात, चाकवत, चुका, चवळईचे दर वाढले
मार्केट यार्डात रविवारी कोथिंबीर, मेथी, शेपू, कांदापात, चाकवत, चुका आणि चवळईच्या दरात वाढ झाली. तर करडई, पुदीना, अंबाडी, मुळे, राजगिरा आणि पालकचे दर स्थिर होते. तर कोणत्याही प्रकारच्या पालेभाज्यांच्या दरात घसरण झाली नाही. रविवारी मार्केट यार्डात कोथिंबिरीच्या दीड लाख जुड्यांची तर मेथीची २५ हजार जुड्यांची आवक झाली. किरकोळ बाजारात कोथिंबीर तब्बल १५ ते २० रुपयांना जुडी तर मेथीची २० ते २५ रुपयांना जुडीची विक्री केली जात होती. कोथिंबीर आणि मेथीच्या दरात घाऊक बाजारात गड्डीमागे पाच रुपये, चुक्याच्या दरात तीन रुपये, शेपू आणि चाकवतच्या दरात जुडीमागे प्रत्येकी दोन रुपये, तर कांदापात आणि चवळईच्या दरात जुडीमागे प्रत्येकी एक रुपयांची वाढ झाल्याची माहिती व्यापाऱ्यांनी दिली़