पुणे : मागणी घटल्याने काकडी, वांगी, भेंडी, दोडका, कारली, मटार आणि पावट्याचे भाव घटले. तर अन्य सर्वच फळभाज्यांचे भाव स्थिर राहिले आहेत. मार्केट यार्डात रविवारी (दि. १८) फळभाज्या आणि भाजीपाल्याची आवक मागील आठवड्याच्या तुलनेत सारखीच होती. साधारणत: ९० ते १०० गाड्यांची आवक झाली.
इतर राज्यांतून आलेला माल : गुजरात आणि कर्नाटकातून ३ ते ४ टेम्पो कोबी, मध्य प्रदेश येथून ६ ते ७ टेम्पो गाजर, आंध्र प्रदेश आणि तमिळनाडूतून ४ ते ५ टेम्पो शेवगा, गुजरात, कर्नाटक आणि आंध्र प्रदेशातून ८ ते १० टेम्पो हिरवीमिरची, कर्नाटकातून तोतापुरी कैरी ५ ते ६ टेम्पो, कर्नाटकातून मटार २ ते ३ टेम्पो, मध्य प्रदेश आणि गुजरात येथून ७ ते ८ ट्रक लसूण, आग्रा, इंदूर आणि गुजरातमधून बटाट्याची ३० ते ३५ ट्रक इतकी आवक झाली आहे.
महाराष्ट्राच्या विविध भागांतून आलेला माल :
कोबी ४ ते ५ टेम्पो, प्लॉवर ७ ते ८ टेम्पो, भेंडी ५ ते ६ टेम्पो, गवार ५ ते ६ टेम्पो, सिमला मिरची ९ ते १० टेम्पो, टोमॅटो ६ ते ७ हजार पेटी, सातारी आले १७०० ते १८०० गोणी, तांबडा भोपळा ७ ते ८ टेम्पो, हिरवी मिरची ३ ते ४ टेम्पो, पावटा ४ ते ५ टेम्पो, पुरंदर, पारनेर, वाई आणि साताऱ्याहून मटार ५ ते ६ टेम्पो, कांदा ४५ ते ५० ट्रक इतकी आवक झाली.
फळभाज्यांचे दहा किलोचे भाव :
कांदा : १६०-२००, बटाटा : ९०-१४०, लसून : ४००-११००, भुईमुग शेंग : ३००-३५०, मटार : स्थानिक : ४५०-५००, परराज्य ४००, पावटा : २००-२५०, आले : सातारी १००-२००, भेंडी : १५०-२००, गवार : २५०-३००, टोमॅटो : ६०-१००, दोडका : १५०-२००, हिरवी मिरची : ३००-४००, ढोबळी मिरची : २००-२५०, दुधी भोपळा : १००-१६०, चवळी : १००. १५०, काकडी : ८०-१२०, कारली हिरवी १५०-२००, पांढरी १४०-१५०, पापडी : १५०-२००, पडवळ : १५०-२००, प्लॉवर: ६०-१००, कोबी : १००-१२०, वांगी : १००-२००, डिंगरी : १५०-२००, नवलकोल : १००-१२०, तोंडली : कळी २००-२५०, जाड, ९०-१००, शेवगा : ४००-४५०, गाजर २००-२५०, वालवर २००-२५०, बीट: ८०-१२०, घेवडा : ६००-७००, कोहळा : १००-१५०, आर्वी : २००- २५०, घोसावळे : १५०-१६०, ढेमसे : २००-२२०, तांबडा भोपळा : ६०-१००, सुरण : १८०-२००, नारळ : शेकडा १०००-१६००, मका कणीस : ६०-१००.