पूर्ववैमनस्यातून तरुणाचा खून

पूर्ववैमनस्यातून भोसरी, गव्हाणेवस्ती येथे विकास लक्ष्मण माळी (वय २०, रा. पांडवनगर, चक्रपाणी वसाहत, भोसरी) या तरुणावर अज्ञात हल्लेखोरांनी सायंकाळी ६च्या सुमारास धारदार

पिंपरी : पूर्ववैमनस्यातून भोसरी, गव्हाणेवस्ती येथे विकास लक्ष्मण माळी (वय २०, रा. पांडवनगर, चक्रपाणी वसाहत, भोसरी) या तरुणावर अज्ञात हल्लेखोरांनी सायंकाळी ६च्या सुमारास धारदार शस्त्रांचे वार केले. गंभीर जखमी झालेल्या या तरुणाला रुग्णालयात नेले. मात्र, उपचारापूर्वीच त्याचा मृत्यू झाल्याचे डॉक्टरांनी घोषित केले. या घटनेनंतर भोसरी परिसरात तणावाचे वातावरण निर्माण झाले.भोसरी पोलीस ठाण्यात त्याच्यावर गंभीर स्वरूपाचा गुन्हा दाखल आहे. पूर्ववैमनस्यातून त्याचा खून झाला असल्याचा प्राथमिक अंदाज पोलिसांनी व्यक्त केला आहे. महापालिका निवडणूक काही महिन्यांवर येऊन ठेपली असताना भोसरीत घडलेल्या या खुनाच्या घटनेने शहरात खबबळ उडाली आहे. सर्वत्र दिवाळीच्या सणाची धामधूम सुरू असताना भोसरीत खुनाची घटना घडली. या घटनेने भोसरीतील गव्हाणेवस्ती, तसेच पांडवनगर, चक्रपाणी वसाहत परिसरातील वातावरण बदलून गेले. केवळ भोसरीतीलच नाही, तर या घटनेनंतर शहरातील राजकीय वातावरणात खळबळ उडाली आहे. (प्रतिनिधी)भोसरी, गव्हाणेवस्ती परिसरात हातात कुऱ्हाड, कोयता आणि तलवार घेतलेले सहा जणांचे टोळके सायंकाळी सहाच्या सुमारास आले. या टोळक्याने विकास माळी याच्यावर हल्ला केला. कुऱ्हाड, कोयता, तलवारीचे सपासप वार केल्याने जागीच कोसळला. रक्ताच्या थारोळ्यात पडलेल्या गंभीर जखमी अवस्थेतील विकासला तातडीने महापालिकेच्या यशवंतराव चव्हाण रुग्णालयात हलविण्यात आले. उपचारापूर्वीच त्याचा मृत्यू झाला. विकासची गुन्हेगारी पार्श्वभूमी असल्याचे पोलिसांचे म्हणणे आहे.