खेड पंचायत समितीत शिवसेनेची सत्ता आहे. त्यांचे ८ सदस्य आहेत. तर कॉंग्रेस, भाजप असा प्रत्येकी एक मिळून १४ पैकी १० सदस्यांचे बलाबल आहे. राष्ट्रवादी काँग्रेसचे ४ सदस्य आहेत. सभापतिपद सर्वसाधारण वर्गासाठी राखीव आहे. शिवसेनेला पद न मिळालेल्या सदस्यांनी सभापती भगवान पोखरकर यांच्या विरोधात बंड केले आहे. सदस्यांमध्ये आपसात ठरल्याप्रमाणे सर्वांना संधी मिळाली पाहिजे, असा दावा इच्छुकांनी बोलून दाखवला. त्यासाठीच हा अविश्वास दाखल केला आहे, असे सांगितले. सदस्यांचा पंचवार्षिक कालावधी संपायला ९ महिने बाकी असल्याने पद मिळवण्याची शर्यत व चुरस निर्माण झाली आहे. मागील सभापती, उपसभापती निवडणुकांमध्ये सुध्दा शिवसेनेत मतभेद असल्याचे पाहायला मिळाले. सभागृहातील राष्ट्रवादी काँग्रेसच्या चार सदस्यांची मदत घेऊन काहींनी पदाची माळ गळ्यात मारून घेतली. शिवसेनेच्या सभागृहातील सदस्यांवर पक्षीय नेत्यांचा वचक राहिलेला नसल्याचे यावरून बोलले जाते. समितीतील सर्व पक्षीय १४ पैकी ११ सदस्यांनी व शिवसेनेच्या सदस्या सुनीता सांडभोर यांनी अविश्वास ठराव दाखल केल्याचे सांगितले जात असून यामध्ये राष्ट्रवादीच्या ४ सदस्यांचा सहभाग आहे. सभापतिपदाच्या इच्छुक सुनीता सांडभोर यांनी हा ठराव प्रांताधिकारी विक्रांत चव्हाण, गटविकास अधिकारी अर्...........ज दाखल केल्याचे सांगितले. तर सेनेचे तालुकाप्रमुख रामदास धनवटे यांच्याकडे आपण यापूर्वीच राजीनामा दिला आहे, असे सभापती भगवान पोखरकर यांनी सांगितले. .........
चौकट
तालुक्यात कोरोनाचा प्रादुर्भाव कमी झालेला नाही. अनेकजण उपचार घेत आहेत. अनेकांचा बळी गेला आहे. तिसऱ्या लाटेचे संकट डोक्यावर घोंगावत आहे. नुकत्याच झालेल्या चक्रीवादळाने अनेकांचे संसार उघड्यावर आले. लॉकडाऊनमध्ये सर्वसामान्यांचे रोजगार बुडाले. व्यवसाय थांबले. तालुक्यातील अनेक गावे, वाड्यावस्त्यांवर पाणीटंचाई आहे. हे सारे बाजूला ठेवून पदासाठी पंचायत समितीतील पदाधिकाऱ्यांनी संगीत खुर्चीचा खेळ सुरु केल्याने तालुक्यातील नागरिकांमध्ये कमालीची नाराजी आहे.