या वेळी कसबा पेठेतील संत गाडगे महाराज सांस्कृतिक भवन वास्तूच्या रौप्यमहोत्सवी वर्षानिमित्त वास्तू उभारणीसाठी योगदान देणाऱ्या ज्येष्ठ सामाजिक कार्यकर्त्यांचा कृतज्ञता सन्मान केला. याप्रसंगी माजी उपमहापौर सुरेश नाशिककर, उद्योजक रमाकांत कदम, दिव्यांग कल्याणकारी विभाग महाराष्ट्र सरकारचे उपायुक्त संजय कदम, परीट सेवा मंडळ महाराष्ट्र राज्याचे अध्यक्ष राजेंद्र खैरनार व कवयित्री अमृता खाकुर्डीकर, क्षत्रिय मराठा परीट तरुण मंडळाचे अध्यक्ष दत्तात्रय फंड उपस्थित होते. या वेळी वधू-वर परिचय विशेषांकाचे प्रकाशन करण्यात आले.
कार्यक्रमात संत गाडगे महाराज सांस्कृतिक भवन उभारणीसाठी योगदान देणारे सुरेश नाशिककर, ज्येष्ठ सामाजिक कार्यकर्ते अनंत शिंदे, नाना आदमाने, शिवाजी पवार, बबन पवार, बाबासाहेब जाधव, बाळासाहेब भोसले, छाया ठाणेकर, पुष्पा भोसले यांचा सन्मान केला. कै. मोहन जाधव यांचा सन्मान हेमा जाधव यांनी स्वीकारला तर कै. सूर्यकांत शिंदे यांचा सन्मान समिर शिंदे यांनी स्विकारला. नंदकुमार राऊत यांनी सूत्रसंचालन केले, दत्तात्रय फंड यांनी प्रास्ताविक केले. रामभाऊ राऊत यांनी आभार मानले.