यवत येथील अनुराग चॅरिटेबल ट्रस्ट व सेव्ह द चिल्ड्रन संस्था, पुणे यांच्या मदतीने युवा कार्यकर्ते गणेश शेळके यांनी इंदिरानगर झोपडपट्टीमधील १०० गोरगरीब कुटुंबाना १ महिन्याचे अन्नधान्य व किराणा वाटप केले.
वाटप करण्यात आलेल्या किट मध्ये मध्ये दहा किलो तांदूळ, दहा किलो पीठ, तूरडाळ, मूगडाळ, सोयाबीन, मीठ , साखर , चहा पावडर ,२ किलो गोडतेल अशा विविध वस्तूंचा समावेश करण्यात आला होता.
अन्नधान्य वाटपचा कार्यक्रम कोणताही गाजावाजा न करता करण्यात आला. यावेळी अनुराग चॅरिटेबल ट्रस्टचे अध्यक्ष विजय काटम , सचिव सुनीता काटम , सेव्ह द चिल्ड्रन संस्थेचे व्यवस्थापक हरीश वैद्य , इपशिता दास , सरपंच समीर दोरगे , सामाजिक कार्यकर्ते गणेश शेळके , साक्षी काटम , अनुराग काटम उपस्थित होते.
--
फोटो क्रमांक : ०९यवत अन्नधान्य वाटप
फोटो ओळ : - यवत येथील अनुराग चॅरिटेबल ट्रस्ट व सेव्ह द चिल्ड्रन संस्था, पुणे यांच्या मदतीने अन्नधान्य व किराणा किट वाटप करताना सरपंच समीर दोरगे , गणेश शेळके , विजय काटम , सुनीता काटम आदी