गिरीश ऊर्फ सनी महेंद्र हिवाळे (वय २१, रा. काळेपडळ, हडपसर), आकाश संतोष भारती (वय २०, रा. साठेनगर, महंमदवाडी), चेतन ढेबे (वय २३, रा. हिंगणे खुर्द, सिंहगड रोड), अनिकेत ऊर्फ माँटी माने (वय २०, रा. साठेनगर, महंमदवाडी), काजल मधुकर वाडकर (वय २१, रा. वाडकर मळा, हडपसर), अंबिका मिसाळ (वय २१, रा. साठेनगर, हडपसर), सूरज नवगीरे (वय १९, रा. उरुळी देवाची) अशी मोक्का कारवाई झालेल्यांची नावे आहेत.
नागेश मिसाळ याने यातील नातेवाईक असलेल्या तरुणी अंबिका मिसाळ हिला अनिकेत माने याच्या समवेत फिरू नको, असे सांगितल्याने आरोपींनी त्यांना बेदम मारहाण करून जीवे मारण्याचा प्रयत्न केला होता. यातील मुख्य सूत्रधार सनी हिवाळे याच्या टोळीविरुद्ध मागील १० वर्षांत दोनपेक्षा अधिक गुन्हे दाखल आहेत. तो त्याचे साथीदार संघटीतपणे गुन्हे करत आहेत. मिसाळ यांच्या खुनाचा प्रयत्न केल्याच्या गुन्ह्यात सनी हिवाळे हा फरार होता. वानवडी पोलिसांनी त्याला अटक केली आहे. या सर्वांवर पोलीस उपायुक्त नम्रता पाटील यांनी मोक्का अंतर्गत कारवाई केली आहे.