चंदननगर : वडगाव शेरी मतदारसंघातील महाराष्ट्र नवनिर्माण सेनेचे वडगाव शेरी मतदारसंघाचे माजी विभागाध्यक्ष स्वप्निल चव्हाण यांच्यासह ३०० कार्यकर्त्यांनी आमदार जगदीश मुळीक व नगरसेवक योगेश मुळीक यांच्या उपस्थित भारतीय जनता पार्टीमध्ये प्रवेश केला. वडगाव शेरी विधानसभा मनसेतील संदीप काची, अरुण केंगारे, सुनील निकम यांनी भारतीय जनता पार्टीमध्ये जाहीर प्रवेश केला. स्वप्निल चव्हाण यांनी मनसेच्या स्थापनेपासून जवळपास दहा वर्षे मनसेचे विधानसभा अध्यक्ष म्हणून काम केले आहे. दोन महिन्यांपूर्वी मनसेच्या वडगाव शेरी विधानसभा अध्यक्षपदी मोहन शिंदे यांची निवड केल्यानंतर स्वप्निल चव्हाण हे नाराज झाले होते. कार्यक्रमाच्या प्रसंगी संतोष राजगुरू, शिवाजी चांधेरे, संतोष जाधव, अर्जुन जगताप आदी उपस्थित होते. प्रभाग रचना जाहीर झाल्यानंतर भाजपात इनकमिंग सुरू झाले आहे. तर, मनसेत आऊटगोइंग सुरू आहे. यापूर्वी नवनाथ पठारे, शैलेश बनसोडे यांनी भाजपात प्रवेश केला आहे. तर, काही जणांना तिकीट देण्याचे आश्वासन दिले तर प्रवेश करणार आहेत, असे काही कार्यकर्त्यांनी सांगितले.(वार्ताहर)
मनसेचे माजी विभागाध्यक्ष भाजपात
By admin | Updated: October 10, 2016 02:02 IST