पुणे : सलग सहा महिन्यांपेक्षा जास्त दिवस विनापरवाना गैरहजर राहिल्याने तसेच याबाबत खुलासाही न केल्याने आंबेगावच्या सुपेघर, जुन्नरच्या आपटाळेचे दोन व मुळशीच्या डावजे कातवाडी अशाचार ग्रामपंचायत सदस्यांचे सदस्यत्व रद्द केल्याचे आदेश सोमवारी जिल्हा परिषद अध्यक्ष प्रदीप कंद यांनी दिले. अपटाळेचे भरत साबळे व मंदा साबळे, डावजे कातवाडीच्या मुक्ताबाई मानकर व सुपेघरच्या दीपिका तारडे यांचे सदस्यत्व रद्द करण्यात आले आहे. या तीनही ग्रामपंचायतींच्या या जागा रिक्त झाल्या आहेत. भरत साबळे हे २२५, मंदा साबळे या २५७, मुक्ताबाई मानकर १८८ व दीपिका तारडे या ५६५ दिवस विनापरवाना गैरहजर राहिले. त्यामुळे त्यांचे पद रद्द करण्याबाबतचा प्रस्ताव मिळाल्यानंतर त्यांना लेखी व समक्ष खुलासा करावा, असे कळविण्यात आले. तरीही १५ दिवसांच्या मुदतीत खुलासा आला नाही. त्यामुळे जिल्हा परिषद अध्यक्षांनी सदरची पद रिक्त झाल्याचे आदेश दिले. (प्रतिनिधी)
चार ग्रामपंचायत सदस्यांचे सदस्यत्व रद्द
By admin | Updated: January 12, 2016 03:57 IST