विवाहाचे आमिष दाखवून बलात्कार

घटस्फोटित महिलेला पुनर्विवाहाचे आमिष दाखवून बलात्कार केल्याची घटना उघडकीस आली. ही घटना पिंपरीतील अशोकनगरमध्ये घडली असून पिंपळे गुरव

पिंपळे गुरव : घटस्फोटित महिलेला पुनर्विवाहाचे आमिष दाखवून बलात्कार केल्याची घटना उघडकीस आली. ही घटना पिंपरीतील अशोकनगरमध्ये घडली असून पिंपळे गुरव येथील आरोपीविरोधात गुन्हा दाखल करण्यात आला आहे.पोलिसांनी दिलेल्या माहितीनुसार, पीडित महिला व आरोपी दीपक कडलक (वय २५) हे दोघे एका मॉलमध्ये २०१०ला नोकरीस होते. त्या वेळी त्यांची ओळख झाली होती. ओळखीचे रूपांतर प्रेमात झाले. आरोपीने पीडित महिलेला लग्नाचे आमिष दाखवले. पीडित महिलेने लग्न करण्याचा आग्रह केला. त्या वेळी आरोपी तिला टाळू लागला. दरम्यानच्या काळात आरोपीचे दुसऱ्या मुलीशी लग्न ठरल्याचे पीडित महिलेस समजले. त्यानंतर पीडित महिलेने आरोपीविरोधात पिंपरी ठाण्यात गुन्हा दाखल केला. दरम्यान शहर परिसरामध्ये लैंगिक अत्याचाराच्या घटनांमध्ये वाढ झाल्याने चिंता व्यक्त होत आहे. (प्रतिनिधी)