पुणे : कुसुमवत्सल संस्थेच्या वतीने रक्तदान शिबिराचे आयोजन धर्मवीर संभाजी महाराज विद्यालय, नवी पेठ येथे करण्यात आले. यावेळी अध्यक्षा वैशाली पाटील, प्रकाश शिंदे, राजेंद्र भवाळकर, रूपा साळवे, महेंद्र दलालकर, मेधा जोशी,सदाशिव कुंदेन, स्वप्नील खवले, सौरभ आवटे, जयप्रकाश पाटील आदी उपस्थित होते.
--------
राहुल गांधींनी अध्यक्षपद स्वीकारावे
पुणे : दिल्लीत झालेल्या बैठकीत काँग्रेसचे नेते राहुल गांधी यांनी पक्षाचे अध्यक्षपद स्वीकारण्याचे संकेत दिले आहेत. याचे स्वागत करून अध्यक्षपद स्वीकारावे असे विनंती करणारे पत्र ज्येष्ठ काँग्रेस नेते बाळासाहेब शिवरकर यांनी राहुल गांधी व पक्षाध्यक्ष सोनिया गांधी यांना पाठविले आहे.
------------
९ महिन्यांनी मिळाले रेशनकार्ड
पुणे : वडारवाडी वस्तीमध्ये मार्चमध्ये लागलेल्या आगीत ४५ घरे जळून खाक झाली होती. त्यात अनेक महत्वाची कागदपत्रे जळून खाक झाली होती. लोकायत संघटनेच्या वतीने पाठपुरवठा करण्यात आला होता. अखेर ९ महिन्यांनी येथील नागरिकांना दुबार रेशनकार्ड मिळाले आहे. अशी माहिती श्रीकृष्ण कुलकर्णी, मंगला निकम, कामगार नेते नितीन पवार यांनी दिली.