४५० रुग्ण पॉझिटिव्ह असल्याने जुन्नर तालुका हॉटस्पॉट

कोरोना प्रादुर्भाव सुरु झाल्यापासून जुन्नर तालुक्यात एकूण ७२०२ रुग्ण पॉझिटिव्ह झाले आहेत. त्यामध्ये ६४६७ रुग्ण बरे झालेले आहेत . सध्या ४५० रुग्ण कोरोना पॉझिटिव्ह असून ते उपचार घेत आहेत . आजपर्यंत २६५ जणांचा मृत्यू झाला असून मृत्यूदर ३.६७ टक्के आहे. तालुक्यात सर्वाधिक कोरोना रुग्णाची संख्या नारायणगाव शहरात आहे. कोरोनाचा प्रादुर्भाव सुरु झाल्यापासून नारायणगावात १०११ रुग्ण कोरोना पॉझिटिव्ह झाले आहेत , त्यापैकी सध्या या गावात ५० रुग्ण अॅक्टिव्ह आहेत . एकूण २७ रुग्णाचा मृत्यू झालेला आहे . वारूळवाडी शहरात कोरोनाचा प्रादुर्भाव सुरु झाल्यापासून ३४८ रुग्ण कोरोना पॉझिटिव्ह झाले आहेत , त्यापैकी सध्या या गावात १९ रुग्ण अॅक्टिव्ह आहेत. या गावात आठ रुग्णांचा मृत्यू झालेला आहे, अशी माहिती वारूळवाडी प्राथमिक आरोग्य केंद्राच्या वैद्यकीय अधिकारी डॉ. वर्षा गुंजाळ यांनी दिली.