येथील वस्तीत उसाचे क्षेत्र जास्त असल्याने या भागात मोर जास्त प्रमाणात आढळून येतात. नुकतेच येथील उसाच्या शेतात शेतक-यांना जखमी मोर आढळून आला. यावेळी येथील शेतक-यांनी मोराजवळ जाऊन पाहणी केली असता मोराचे डोळे जखमी झाल्याचे दिसून आले. यावेळी वनविभागाच्या अधिका-यांना फोनवर संपर्क करण्यात आला.वनविभागाच्या अधिका-यांनी त्या जखमी मोराला लासुर्णे येथील पशुवैद्यकीय दवाखान्यात प्राथमिक उपचारासाठी हलवण्यात आले. प्राथमिक उपचार करून पुढे कात्रज येथील वनविभागात पाठवण्यात येईल, असे वनविभागाच्या डी. बी. ससाणे, सुनील आवटे व वनपाल अशोक नरूटे यांनी सांगितले. यावेळी विशाल जाधव, प्रीतम जाधव, महेश जाधव, अॅड. कुणाल जाधव, राहुल जाधव, पृथ्वीराज जाधव आदी उपस्थित होते.
लासुर्णे (ता. इंदापूर) येथील जाधव वस्तीतील जखमी मोराला वनविभागाच्या अधिका-यांकडे सुपूर्त करताना महादेव जाधव व सुरेश जाधव.
२००५२०२१ बारामती—०८