चास येथे अवैध वाळू उपसा, पाच जणांवर गुन्हा

चास गावचे हद्दीत नारोडीकडे जाणारे पुलाचे शेजारी स्मशान भूमीजवळ दि. २७ रोजी पहाटे ३ वाजण्याच्या सुमारास वैभव बबन कडुसकर (वय ४२, रा. साकोरे), पवन सुधीर थोरात (रा.मंचर), तुषार शांताराम टेके (रा. वडगाव काशींबेग), जयेश माने (रा. चास) व सुमंत चिखले (रा. विठ्ठलवाडी.नांदुर) हे पाच जण घोडनदीच्या पात्रात गौणखनिज वाळूउपसा करून सार्वजनिक मालमत्तेचे नुकसान करत असताना घोडेगाव पोलीस ठाण्याच्या रात्र गस्त पथकाला दिसले त्यांनी लगेच कारवाई करत संबंधित व्यक्तिंना ताब्यात घेण्याचा प्रयत्न करता असताना तुषार टेके, जयेश माने व सुमंत चिखले हे तिघे फरार झाले तर वैभव कडूसकर व पवन थोरात या दोघांना पोलिसांनी ताब्यात घेतले. अधिक पोलीस उपनिरीक्षक लहू शिंगाडे, पोलीस हवालदार मनिषा तुरे करत आहे.