विजयी मिरवणुका काढल्यास होणार गुन्हा दाखल

आळेफाटा पोलीस स्टेशनच्या हद्दीमधील आळे, राजुरी, संतवाडी, कोळवाडी, उंचखडक, नळावणे, बोरी बुद्रुक, पेमदरा, शिंदेवाडी, जाधववाडी या गावांमधील ग्रामपंचायतीच्या निवडणुका नुकत्याच पार पडल्या. उद्या सोमवारी या निवडणुकांचे निकाल आहे. या दिवशी कोणतेही गैरप्रकार घडू नये यासाठी जिल्हाधिकारी डाॅ. राजेश देशमुख यांनी विजयी उमेदवारांना मिरवणूक न काढण्याच्या सूचना दिल्या. यात रॅली काढू नये, फटाके वाजवू नये, गुलाल उधळू नये व विना परवानगीशिवाय फ्लेक्स या सोबतच सोमवारी (दि.१८) पासून सकाळी ६ वाजेपर्यंत सर्व ढाबे, हाॅटेल, खानावळी, चायनिज, पानटपरी बंद राहणार आहेत. या आदेशाची अंमलबजावणी कडक केली जाणार आहे. आदेशाचे उल्लंघन करणाऱ्यांवर कायदेशीर कारवाई करण्यात येईल, अशी माहिती पवार यांनी दिली.