घोडेगाव: आंबेगाव तालुक्यातील १०५ ग्रामपंचातींच्या सरपंच पदासाठी आरक्षण सोडत झाली. यामध्ये मंचर ग्रामपंचायत अनुसूचीत जाती महिला तर घोडेगाव ग्रामपंचायत अनुसूचीत जमाती महिला आल्याने मात्तबरांचा हिरमोड झाला.
आंबेगाव तालुका पंचायत समिती मध्ये तहसिलदार रमा जोशी यांनी आरक्षण सोडत घेतली. यावेळी गटविकास अधिकारी जालिंदर पठारे, पंचायत समिती सभापती संजय गवारी, उपसभापती संतोष भोर, माजी उपसभापती नंदकुमार सोनावले, सोमनाथ काळे, विजय आढारी, खंडु खंडागळे इत्यादी पदाधिकारी व विविध गावांचे ग्रामस्थ उपस्थित होते. यावेळी आराध्य गणेश पवार या मुलाच्या हस्ते चिठ्ठया काढण्यात आल्या.
दरम्यान, घोडेगाव ग्रामपंचायत मध्ये २००७ पासून महिला आरक्षण निघत असून आजच्या आरक्षण सोडती मध्ये सर्वसाधारण आरक्षण यायला पाहिजे होते. आरक्षण सोडतीमध्ये मागील तीन निवडणूकांच्या आरक्षणाचा विचार केला गेला. यामध्ये सन २०१२ मधिल निवडणूकीत घोडेगाव ग्रामपंचायतमध्ये सर्वसाधारण महिला आरक्षण असताना निवडणूक विभागाच्या दप्तरी सर्वसाधारण आरक्षणाचा चुकीचा उल्लेख आहे. तरी घोडेगावचे आरक्षण बदलावे अशी सर्व पक्षिय मागणी आरक्षण सोडतीत सोमनाथ काळे, तुकाराम काळे, नंदकुमार बो-हाडे, मिलींद काळे, सुनिल इंदोरे, लखन घोडेकर इत्यादींनी केला आहे. याबाबत जिल्हाधिकारी च तहसिलदार यांच्याकडे तक्रार करणार असल्याचे यांनी सांगितले.
पडलेले आरक्षण व गावे खालीलप्रमाणे
सर्वसाधारण
कोलदरा/गोनवडी, कुरवंडी, निरगुडसर, नागापुर, भागडी, खडकी, वडगांव काशिंबेग, काठापुर, पेठ, कोळवाडी/कोटमदरा, देवगांव, मेंगडेवाडी, शेवाळवाडी, भराडी, वडगांव पीर, थोरांदळे, लोणी, साकोरे, रानमळा
सर्वसाधारण महिला
ठाकरवाडी, टाकेवाडी, वाळुंजनगर, निघोटवाडी, चिंचोडी, आंबेगाव गावठाण, महाळुंगे पडवळ, अवसरी बुद्रूक, पारगांव तर्फे खेड, नारोडी, रांजणी, पारगांव तर्फे अवसरी बुद्रूक, कारेगाव, गिरवली, पोंदेवाडी, चिंचोली, धामणी, खडकवाडी, जाधववाडी, शिरदाळे
नागरिकांचा मागास प्रवर्ग (ओबीसी)
चास, पहाडदरा, लांडेवाडी/पिंगळवाडी, तळेकरवाडी, कळंब, लाखणगांव, गावडेवाडी, अवसरी खुर्द, विठ्ठलवाडी,
नागरिकांचा मागास प्रवर्ग (ओबीसी)महिला
नांदुर, जवळे, लौकी, भावडी, धोंडमाळ/शिंदेवाडी, पिंपळगांव तर्फे महाळुंगे, मांदळेवाडी, टाव्हरेवाडी, तांबडेमळा,
अनुसूचीत जाती (एससी) सर्वसाधारण
वळती
अनुसूचीत जाती (एससी) महिला
काळेवाडी/दरेकरवाडी, मंचर
अनुसूचीत जमाती (एसटी) सर्वसाधारण
चिखली, साल, बोरघर, गोहे बुदू्रक, फलौंदे, पाटण, सुपेधर, महाळुंगे तर्फे घोडा, फुलवडे, डिंभे बुद्रूक, पोखरी, राजपुर, ढाकाळे, आसाणे, तिरपाड, शिनोली, माळीण, उगलेवाडी/फदालेवाडी या १८ आदिावासी क्षेत्रातील तर चांडोली खुर्द, चांडोली बुद्रूक, शिंगवे या तीन बिगर आदिवासी क्षेत्रातील
अनुसूचीत जमाती (एसटी)महिला
पिंपरगणे, कुशिरे बुद्रूक, कोलतावडे, आहुपे, जांभोरी, तळेघर, कानसे, गोहे खुर्द, डिंभे खुर्द, आंबेदरा, आमोंडी, गंगापुर खुर्द, पांचाळे बुद्रूक, चपटेवाडी, राजेवाडी, पिंपळगांव तर्फे घोडा, गंगापुर बुद्रूक, कोंढवळ या १८ आदिावासी क्षेत्रातील तर या घोडेगाव, एकलहरे, थुगांव, जारकरवाडी चा बिगर आदिवासी क्षेत्रातील
सरपंच आरक्षण सोडतीत चिठ्ठी काढताना आराध्य पवार.
08122020-ghod-02 -