चिंचवड देवस्थान ट्रस्टच्या अधिपत्याखाली अष्टविनायकापैकी मोरगाव हे तीर्थक्षेत्र आहे. येथे प्रसाद विक्री विभागात मोरगाव येथील अशोक नाना गायकवाड काम करीत होते. त्यांचे अल्पशा आजाराने निधन झाले. यामुळे देवस्थान ट्रस्टच्या विश्वस्त मंडळामध्ये गायकवाड यांना मदत देण्याबाबतचा प्रस्ताव विश्वस्त विनोद पवार यांनी मांडला. त्यानुसार विश्वस्त मंडळाच्या झालेल्या मासिक सभेमध्ये मुख्य विश्वस्त मंदार देव, विश्राम देव, आनंद तांबे, राजेंद्र उमाप यांनी त्यास संमती दर्शविली.
यानुसार शुक्रवारी मोरगाव येथे गायकवाड यांच्या पत्नी प्रभावती गायकवाड यांना आर्थिक मदत म्हणून पन्नास हजार रुपयांचा धनादेश स्थानिक विश्वस्त पवार यांच्या हस्ते देण्यात आला. यावेळी देवस्थानचे व्यवस्थापक राजेंद्र जगताप उपस्थित होते.
चिंचवड देवस्थानच्या वतीने दिवंगत कर्मचाऱ्याच्या पत्नीला ५० हजारांचा धनादेश देऊन आर्थिक मदत करण्यात आली.
३००७२०२१ बारामती—०३