त्वरित अधिकाऱ्यांना आदेश देऊन शिवराज विद्यामंदिर, सोमनाथ शिक्षण संस्था (सातव शाळा) किंवा सुंदरबाई मराठे विद्यालय यापैकी कुठल्याही शाळेत लसीकरण केंद्र सुरू करण्यात यावे, अशी मागणी युवक काँग्रेसचे सरचिटणीस संकेत गलांडे यांनी महापौर मुरली मोहळ व उपायुक्त रुबल अगरवाल यांच्याकडे निवेदन देऊन केली.
यानिमित्त सकारात्मक प्रतिसाद मिळाल्याने आपल्या भागात लवकरात लवकर लसीकरण केंद्र सुरू करण्यात येईल. तसेच विमाननगर येथील कोविड सेंटर सुरू करण्यात यावे किंवा त्याची जागा आम्हाला उपलब्ध करून द्यावी, जेणेकरून आम्ही आमच्या संस्थेमार्फत तिथे कोविड सेंटर सुरू करू, अशी विनंती केली. महापौरांनीही त्याला प्रतिसाद देत सदर अधिकाऱ्यांशी चर्चा केली.
महानगरपालिकेत असताना सहआयुक्त रुबल अग्रवाल यांची भेट झाली. त्यांनाही या विषयासंदर्भात माहिती दिली व त्यांनी सांगितल्याप्रमाणे त्यांनाही निवेदन देण्यात आले.