हत्यार बाळगल्याप्रकरणी चौघांना अटक

अजय रामचंद्र ठवरे (वय २१, रा. पुरंदर सोसायटी, उरुळी कांचन, ता. हवेली), युवराज दत्तात्रय डोंगरे (वय २४, रा. भीमनगर, थेऊर, ता. हवेली), अक्षय विजय साबळे (वय २२, रा विश्वदीप तरुण मंडळाजवळ), करण बाळू पांढरे (वय २१, रा खंडोबा मंदिर देवाची उरुळी, ता. हवेली) अशी या प्रकरणी अटक करण्यात आलेल्या आरोपींची नावे असून त्यांच्यावर गुन्हा दाखल करण्यात आला आहे. बुधवारी (दि ११) रात्री ८.३० च्या सुमारास उरुळी कांचन बाजार मैदानालगत ओढ्याजवळ रेकॉर्डवरील गुन्हेगार अजय ठवरे हा तलवार घेऊन फिरत असल्याचे आढळले. रात्री ११.४० च्या सुमारास कदमवाकवस्ती गावचे हद्दीत कदमवाकवस्तीजवळ सोलापूर-पुणे महामार्गावर अक्षय साबळे यांचेकडे लोखंडी कोयता सापडला. तर रात्री ११.३० च्या सुमारास युवराज डोंगरे हा थेऊर गावात २० इंच लांबीचा लोखंडी कोयता घेऊन फिरत होता. वरील सर्वांना पोलिसांनी रंगेहात पकडून त्यांना अटक केली. पोलीस पथक उरुळी देवाची हद्दीत गस्त घालत असताना त्यांना करण पांढरे हा पालखी मार्गावरील बिगमार्ट दुकानाजवळ संशयितरीत्या थांबलेला होता. पोलिसांना पाहताच पळून जाण्याचा प्रयत्न केला. पाठलाग करून ताब्यात घेतले. त्याची झडती घेतली असता पँटमध्ये मोठा कोयता आढळला.