येथील जयाद्री शेतकरी सोसायटीच्या सभागृहात जेजुरी जिल्हा बँकेच्या अंतर्गत येणाऱ्या १८ सोसायट्यांच्या चेअरमन आणि प्रतिनिधी यांची बैठक पुरंदर हवेलीचे आ. संजय जगताप यांच्या उपस्थितीत आयोजित केली होती. त्या वेळी त्यांनी ही माहिती दिली. बैठीकाला या वेळी राष्ट्रवादी काँग्रेसचे तालुकाध्यक्ष माणिक झेंडे पाटील, सोमेश्वर कारखान्याचे संचालक महेश राणे, जयाद्री सोसायटीचे चेअरमन सुभाष कुतवळ, साकुर्डे सोसायटीचे चेअरमन बाळासाहेब काळे, धालेवाडी सोसायटीचे संभाजी काळाने, जिल्हा बँकेचे विकास अधिकारी महेंद्र खैरे आदी उपस्थित होते.
लवकरच पुणे जिल्हा बॅंकेच्या निवडणुका होत असून निवडणुकीच्या पार्श्वभूमीवर सोसायटी मतदारांशी त्यांनी संपर्क साधला. या वेळी सर्वच्या सर्व सोसायटी मतदारांनी येत्या जिल्हा बँकेच्या निवडणुकीत आ.संजय जगताप यांना एकमुखी पाठिंबा दिला. यावेळी बँकेचे अधिकारी शिरीष जाधव, उत्तम शिंदे, अनिल उरवणे, जेजुरीचे नगरसेवक अजिंक्य जगताप माजी नगरसेवक रोहिदास कुंभार, सदानाना बारसुडे आदीसह विविध कार्यकारी सोसायटीचे चेअरमन, सचिव, प्रतिनिधी उपस्थित होते.
बँकेचे विकास अधिकारी महेंद्र खैरे यांनी स्वागत केले. जयाद्री सोसायटीचे संचालक महादेव माळवदकर यांनी आभार मानले.
--
फोटो क्रमांक : ०९जेजूरी जिल्हा बॅंक
फोटो ओळी : जिल्हा बँकेच्या जेजुरी शाखेतील शेतकरी सोसायट्यांच्या प्रतिनिधींना मार्गदर्शन करताना आ. संजय जगताप.