डेक्कनकडून आयफा स्काय पराभूत

जिल्हा फुटबॉल संघटना (पीडीएफए) आयोजित पुणे फुटबॉल लीग स्पर्धेतील सुपर डिव्हिजन श्रेणी गटात डेक्कन रोव्हर्स एफसी

लोकमत न्यूज नेटवर्कपुणे : जिल्हा फुटबॉल संघटना (पीडीएफए) आयोजित पुणे फुटबॉल लीग स्पर्धेतील सुपर डिव्हिजन श्रेणी गटात डेक्कन रोव्हर्स एफसी, थंडरकॅट्स, बीईजी एफसी या संघांनी आपापल्या प्रतिस्पर्ध्यांचा पराभव करून आगेकूच केली. बीईजी फुटबॉल मैदानावर सुरू असलेल्या या स्पर्धेत साखळी फेरीत पहिल्या सामन्यात डेक्कन रोव्हर्स एफसी संघाने आयफा स्काय हॉक्स संघाचा ४-१ असा पराभव केला. विजयी संघाकडून जीवन नलगे, श्रीधर अधिकारला, रोहित भोकरे व वाय. वुपृ यांनी प्रत्येकी एक गोल केला. प्रेमा चंद्रा याने नोंदविलेल्या हॅट्ट्रिक कामगिरीच्या जोरावर बीईजी एफसी संघाने मिश्चिफ मेकर्स संघाचा ५-० असा धुव्वा उडविला. अन्य लढतीत थंडरकॅट्स संघाने फिनिक्स एससी संघावर ५-३ असा विजय मिळवला. थंडरकॅट्स संघाकडून रोहित जयसिंघानीने दोन गोल, तर नफीद शेख, झहीर जेहराली, प्रणय फर्नांडिस यांनी प्रत्येकी एक गोल केला. फिनिक्स एससीकडून राहुल पिल्ले, सय्यद साजन, यश जैन यांनी प्रत्येकी एक गोल केला.