पुणे : रूपेश सदाशिव सोनावणे (वय ४८, रा. धानोरी) यांचे अल्पशा आजाराने निधन झाले. त्यांच्या पश्चात आई, पत्नी, मुलगी, मुलगा असा परिवार आहे. छावा संघटनेचे कार्याध्यक्ष गणेश सोनवणे यांचे ते ज्येष्ठ बंधू होत.
नारायण पाटील
पुणे : धनकवडी येथील सेवानिवृत्त मुख्याध्यापक नारायण रामचंद्र पाटील (वय ८०) यांचे अल्पशा आजाराने निधन झाले. त्यांच्या पश्चात पत्नी, दोन मुलगे, मुलगी आणि नातवंडे असा परिवार आहे. ते रयत शिक्षण संस्थेतून मुख्याध्यापक म्हणून सेवानिवृत्त झाले होते. त्यांना आदर्श शिक्षक पुरस्काराने गौरवण्यात आले होते. भूगोल, इतिहास, इंग्लिश, राज्यशास्त्र, समाजशास्त्र व अर्थशास्त्र या विषयांवर त्यांचे प्रभुत्व होते. वृक्षसंवर्धन करण्याचा त्यांचा मोठा छंद होता. त्यांनी वृक्षलागवड करीत असताना देशी आणि दीर्घकाळ जगणारी झाडे लावली. दहावीचा निकाल कमी असणाऱ्या शाळांमध्ये मुलींसाठी देखील नाईट स्टडी सुरू करून यशस्वी उपक्रम राबविला आणि शाळांचा निकाल ९०% च्यावर नेला. भारती विद्यापीठ इंजिनिअरिंग कॉलेज लवळे येथील प्राचार्य डॉ. राजेंद्र पाटील व डॉ. विक्रांत पाटील यांचे ते वडील होते.