मुंबईकडून पुण्याकडे येणार्या रस्त्यावर बोपोडी चौक येथून पुणे शहराकडे जाणार्या हलक्या वाहनांना (दुचाकी वाहने, कार, रिक्षा, टेम्पो आदी) बंदी करण्यात येत आहे. ही हलकी वाहने खडकी रेल्वे स्टेशन स्टार हॉटेल समोरुन वळवून महात्मा गांधी रोडने खडकी बाजार गणपती मंदिर येथून उजवीकडे वळून एमएसईबी व बिजनेस सेंटर या दोन ठिकाणावरुन उजवीकडे वळून सप्लाय डेपो समोरुन सीएएफडी सर्कल येथे येतील. तेथून चर्च चौकाकडे (संविधान चौकाकडे) जातील.
पीएमपी बस, एस टी बस तसेच अवजड वाहने जुना पुणे मुंबई रोडने सरळ चर्च चौकाकडे जातील.
पुण्याकडून पिंपरीकडे जाणार्या वाहनांंसाठी कोणताही बदल करण्यात आलेला नाही.
हा बदल शुक्रवार ४ डिसेंबरपासून प्रायोगिक तत्वावर पुढील आदेशापर्यंत कायम राहणार असल्याचे वाहतूक शाखेचे पोलीस उपायुक्त राहुल श्रीरामे यांनी सांगितले.