पुणे : गणेशोत्सवानिमित्त शहराच्या मध्यवस्तीत मोठ्या प्रमाणावर भाविकांची गर्दी होत असल्याने शिवाजी रोडवरून जाणाऱ्या बस, मोटारी यांच्या वाहतुकीत बदल करण्यात आले आहेत़ शिवाजीनगरवरून स्वारगेटकडे जाणाऱ्या पीएमपीच्या बसगाड्या तसेच चारचाकी वाहने स़ गो़ बर्वे चौकातून जंगली महाराज रोडने सरळ संभाजी पुलावरून टिळक रोड किंवा शास्त्री रोडने स्वारगेटकडे जातील.चारचाकी वाहनांना गाडगीळ पुतळा ते शाहीर अमर चौक व गाडगीळ पुतळा ते बुधवार चौक, अप्पा बळवंत चौक, केळकर रोडचा वापर करता येईल़ तसेच जिजामाता चौकातून इच्छित स्थळी जाता येईल़ लक्ष्मी रोडवरील चारचाकी वाहनांना बेलबाग चौकातून डावीकडे वळण्यास मनाई करण्यात येत आहे़ त्यांनी टिळक चौकातून इच्छित स्थळी जावे़ अप्पा बळवंत चौक ते बुधवार चौकाकडे जाण्यास सर्व प्रकारच्या वाहनांना प्रवेश बंद करण्यात येत आहे़ शिवाजी रोडवर जिजामाता चौक ते बेलबाग चौक ते रामेश्वर चौक, उजवीकडे वळून मंडई ते शनिपार चौक, उजवीकडे सेवासदन चौक ते अप्पा बळवंत चौक ते बुधवार चौक तसेच बेलबाग चौक ते सेवासदन चौक या मार्गावर सर्व प्रकारच्या वाहनांना पार्किंगसाठी मनाई करण्यात आली आहे़ (प्रतिनिधी)
गणेशोत्सवानिमित्त वाहतुकीत बदल
By admin | Updated: August 28, 2014 04:20 IST